ମାହାଙ୍ଗା /ଦେବେନ୍ଦ୍ର ଷଡ଼ଙ୍ଗୀ:ନିଶ୍ଚିନ୍ତକୋଇଲି ବ୍ଲକ ଅଧିନସ୍ଥ କଟରପଡା ଗ୍ରାମର ଦୁର୍ଘଟଣାଗ୍ରସ୍ତ ଯୁବକ ଅଜୟ କୁମାର ପରିଡା (୪୪)ଙ୍କ ଚିକିତ୍ସାଧିନ ଅବସ୍ଥାରେ ମୃତ୍ୟୁ ହୋଇଛି । ସ୍ୱର୍ଗତ ପରିଡା ପାରଦ୍ୱୀପର ଏକ ଘରୋଇ କମ୍ପାନୀରେ ଚାକିରୀ କରିଥିଲେ । ଫେବୃୟାରୀ ୧୫ ତାରିଖ ଦିନ ପାରଦ୍ୱୀପରୁ ନିଜ ଘରକୁ ଫେରୁଥିଲା ବେଳେ ଦୁହୁରୀଆ ଓମ୍‌ଫେଡ୍ ଛକ ନିକଟରେ ଦୁର୍ଘଟଣାଗ୍ରସ୍ତ ହୋଇ ରାସ୍ତାକଡରେ ପଡିଥିଲେ । ଖବର ପାଇ ତାଙ୍କ ଗ୍ରାମରୁ ଉତ୍ସାହୀ ଯୁବକମାନେ ଘଟଣାସ୍ଥଳରେ ପହଂଚି  ତାଙ୍କୁ ଉଦ୍ଧାର କରି ପ୍ରଥମେ କେନ୍ଦ୍ରାପଡା ହସଫିଟାଲକୁ ଚିକିତ୍ସା ନିମନ୍ତେ ନେଇଥିଲେ । ଦୁର୍ଘଟଣାରେ ମୁଣ୍ଡ ଓ ଶରୀରର ବିଭିନ୍ନ ଅଂଶରେ ଶକ୍ତ ଆଘାତ ଲାଗି ଅବସ୍ଥା ଗୁରୁତର ଥିବାରୁ ତାଙ୍କୁ କଟକ ବଡ ମେଡିକାଲକୁ ପଠାଇ ଦିଆଯାଇଥିଲା । ପରେ  ସମୟରେ ସେ ସେଠାରୁ ଯାଇ ଭୁବନେଶ୍ୱରର ଏକ ଘରୋଇ ହସଫିଟାଲରେ ଚିକିତ୍ସାଧିନ ହୋଇଥିଲେ ମଧ୍ୟ କୋମାଅବସ୍ଥାରେ ଥିବାରୁ ତାଙ୍କର ମୃତ୍ୟୁ ହୋଇଛି । ତାଙ୍କ ବିୟୋଗରେ ଏ ଅ ଳରେ ଶୋକର ଛାୟା ଖେଳିଯାଇଥିଲା ବେଳେ ସରପଂଚ ଇତିବାଳା ନାୟକ, ଶିକ୍ଷାବିତ୍ ଫକୀର ଚରଣ ନାୟକ, ସମିତିସଭ୍ୟ ବାନାମ୍ବର ସାହୁ, ଯୁବନେତା ଦୀପ୍ତିରଂଜନ ନାୟକଙ୍କ ସମେତ ବହୁ ମାନ୍ୟଗଣ୍ୟ ବ୍ୟକ୍ତି ଉପସ୍ଥିତ ହୋଇ ଶେଷ ଦର୍ଶନ କରିଥିଲେ । ଶୋକାକୂଳ ପରିବେଶ ମଧ୍ୟରେ ତାଙ୍କ ମର ଶରୀରକୁ  ନିଜ ଗାଁକୁ ଅଣାଯାଇ ଶେଷ କୃତ୍ୟ ସଂପନ୍ନ କରାଯାଇଥିଲା । ଏକମାତ୍ର ପୁତ୍ର ମୁଖାଗ୍ନୀ ଦେଇଥିଲେ ।