ପଦ୍ମପୁର:  ଗୋଟିଏ ଟ୍ରକରେ ପୁଷ୍ପା ଫିଲ୍ମ ଷ୍ଟାଇଲରେ ଗଂଜେଇ ଚାଲାଣ ହେଉଥିବା ସମୟରେ ଜବତ କରିଛି ପଦ୍ମପୁର ଅବକାରୀ ବିଭାଗ । ଏକ ବାର ଚକିଆ ଟ୍ରକରେ ଉପରକୁ କବାଡି ସାମଗ୍ରୀ ଭଳି ବୁଢ଼ାପଟା ଲଦା ହେଇଥିବା ବେଳେ ଟ୍ରଲି ଭିତରେ 4 ଟି ବସ୍ତାରେ ପାଖାପାଖି 200 କିଲୋ ଗଂଜେଇ ଲୁଚାଇ ରଖାଯାଇଥିଲା, ଯାହାର ଆନୁମାନିକ ମୂଲ୍ୟ ପାଖାପାଖି 5 ଲକ୍ଷ ହେବ । ଗାଡିଟି ବଲାଙ୍ଗୀର ପଟରୁ ଛତିଶଗଡ଼ ପଟକୁ ଯାଉଥିବା ସମୟରେ ପଦ୍ମପୁର ରାସ୍ତାର ବାଦୀମାଲ ଛକରେ ଅବକାରୀ ବିଭାଗ ଏହି ଗଂଜେଇ ଧରିଛି । ପଦ୍ମପୁର ଅବକାରୀ ଅଧିକାରୀ ହେମକାନ୍ତ ସୁନା କୋଣସି ସୂତ୍ରରୁ ଖବର ପାଇ ତାଙ୍କ ଟିମ ସହିତ ଜଗି ରହିଥିଲେ । ଅବକାରୀ ଟିମକୁ ଦେଖି ଡ୍ରାଇଭର ଫେରାର ମାରିଥିଲା , ତାପରେ ଅବକାରୀ ବିଭାଗ ଗାଡି ଜବତ କରି ଥିଲା ଏବଂ ସେଥିରୁ ଗଂଜେଇ ପାଇଥିଲା । ଟ୍ରକ ନମ୍ବର ହେଉଛି MP09HG7314 ।