କେନ୍ଦୁଝର (ସିଦ୍ଧେଶ୍ୱର ସାହୁ) କେନ୍ଦୁଝର ନାଗରିକ ମଂଚର ସଭାପତି ୱିଙ୍ଗ କମାଣ୍ଡର କିରଣ ଶଙ୍କର ସାହୁଙ୍କ ଆଜି ସନ୍ଧ୍ୟାରେ ଅକାଳ ବିୟୋଗ ଘଟିଛି । ବାୟୁସେନାର ଅବସରପ୍ରାପ୍ତ ଯୋଦ୍ଧା କେନ୍ଦୁଝରରେ ରହି ଏହାର ମାଟି ପାଣି ପବନ ସହ ଏକାକାର ହୋଇ ଯାଇଥିଲେ । ବିଭିନ୍ନ ଗଣସଂଗଠନ ର ନେତୃତ୍ୱ ନେଇ ସାଧାରଣ ଲୋକଙ୍କ ପ୍ରିୟ ହୋଇ ପାରିଥିଲେ । କେନ୍ଦୁଝର ଜିଲ୍ଲାର ବିକାଶ ତଥା ଜିଲ୍ଲାର ନ୍ୟାୟକୁ ହକ ପାଇଁ ବିଭିନ୍ନ ଫୋରମରେ ନିଜର ବଳିଷ୍ଠ ଦାବି ଉପସ୍ଥାପିତ କରିଆସୁଥିଲେ | ତାଙ୍କ ଦେହାନ୍ତରେ ଆଜି କେନ୍ଦୁଝର ଜିଲାରେ ଓ ବିଭିନ୍ନ ମହଲରେ ଶୋକର ଛାୟା ଖେଳିଯାଇଛି | ତାଙ୍କ ନିଧନ କେନ୍ଦୁଝର ମାଟି ଲାଗି ଏକ ଅପୂରଣୀୟ କ୍ଷତି ଯାହାର ଭରଣା କରି ହେବନି ।