ରାଉରକେଲା,(ବସନ୍ତ କୁମାର ଜେନା):ରାଉରକେଲା ଅବକାରୀ ବିଭାଗର ଇନ୍ସପେକ୍ଟରଙ୍କ ଉପସ୍ଥିତିରେ ଗୋପ ପଲ୍ଲୀ , ବେଲ ଡିହି, କତ୍ରା ପାଲି , ତୁମକେଲା, ଡଙ୍ଗା ଘାଟ ଓ ଜମୁନାନାଖି ଅଞ୍ଚଳରୁ ସମୁଦାୟ ୬ଜଣ ଅଭିଯୁକ୍ତ ଙ୍କୁ ଗିରଫ କରାଯାଇଛି। ସୁଚନାନୁଜାୟୀ ରାଉରକେଲା ମୋବାଇଲ୍ ୟୁନିଟ ୪ଜଣଙ୍କୁ ଗିରଫ କରି ତାଙ୍କଠୁ ଓଡି-୧୪ଜେ-୯୫୦୨ ନମ୍ବର ବିଶିଷ୍ଟ ମୋଟର ସାଇକେଲ ଏବଂ ୧୩୭ ଲିଟର ଦେଶୀ ମଦ ଜବତ କରିଛି। ଅବକାରୀ ଇନ୍ସପେକ୍ଟର ଜଣେ ଅଭିଯୁକ୍ତକୁ ଗିରଫ କରି ତାଠୁ ଓଡି-୧୪ୟୁ-୦୮୩୨ ନମ୍ବର ବିଶିଷ୍ଟ ମୋଟର ସାଇକେଲ ଏବଂ ୭୦ଲିଟର ଦେଶୀ ମଦ ଜବତ କରିଛନ୍ତି । ପାନପୋଷ ଅବକାରୀ ବିଭାଗ ପକ୍ଷରୁ ଜଣେ ଗିରଫ ହୋଇଥିବା ବେଳେ ତାଠୁ ୧୮ଲିଟର ଦେଶୀ ମଦ ଜବତ ହୋଇଛି।