ଅସ୍ତରଙ୍ଗ(ଦୁଃଶାସନ ନାୟକ) :ପୁରୀ ଜିଲ୍ଲା ଅସ୍ତରଙ୍ଗ ବ୍ଲକ ପାଟଳଦା ଗ୍ରାମର ବରିଷ୍ଠ ଅବସର ପ୍ରାପ୍ତ ପ୍ରଶାସନିକ ଅଧିକାରୀ ତଥା ଆଇଏଏସ ତଥା କାକଟପୁର ନିର୍ବାଚନ ମଣ୍ଡଳୀର ସ୍ୱର୍ଗତ ବିଧାୟକ ବୈକୁଣ୍ଠନାଥ ସ୍ଵାଇଁଙ୍କ ବଡଭାଇ ନଳିନୀକାନ୍ତ ସ୍ଵାଇଁଙ୍କର ଶୁକ୍ରବାର ଦିନ ଦେହାନ୍ତ ଘଟିଥିବା ଜଣାପଡିଅଛି । ଶ୍ରୀ ସ୍ଵାଇଁ 1980 ଠାରୁ 2000 ମସିହା ପର୍ଯ୍ୟନ୍ତ ରାଜ୍ୟ ଅର୍ଥ ଉନ୍ନୟନ ନିଗମ ପରିଚାଳନା ନିର୍ଦ୍ଦେଶକ ସହ, ଯୋଗାଣ ନିଗମ, ଅବକାରୀ ନିଗମ,ଓ ଶିକ୍ଷାବିଭାଗର ଗୁରୁତ୍ତ୍ୱପୂର୍ଣ୍ଣ ଦାୟିତ୍ୱରେ ସଫଳତାର ସହ କାର୍ଯ୍ୟ କରି ଅବସର ଗ୍ରହଣ କରିଥିଲେ | ତତ୍କାଳୀନ ମୁଖ୍ୟମନ୍ତ୍ରୀ ସ୍ବର୍ଗତ ଜାନକୀବଲ୍ଲଭ ପଟନାୟକ ଓ ଉପ ମୁଖ୍ୟମନ୍ତ୍ରୀ ବସନ୍ତକୁମାର ବିଶ୍ୱାଳ ଓ ପୂର୍ବତନ ମନ୍ତ୍ରୀ ସୁରେନ୍ଦ୍ରନାଥ ନୟକଙ୍କର ବିଶ୍ୱାସ ଭାଜନ ହୋଇପାରି ଥିଲେ । ଖାଲି ସେତିକି ନୁହେଁ, କାକଟପୁର ଓ ଅସ୍ତରଙ୍ଗ ବ୍ଲକ ର ବିଭିର୍ଣ୍ଣ ଶିକ୍ଷିତ ଯୁବକ ଯୁବତୀମାନଙ୍କୁ ସରକାରୀ ପଦ ପଦବୀରେ ସ୍ଥାୟୀତ୍ୱ କରିବା ତାଙ୍କର ଅବଦାନ ଅତୁଳନୀୟ । ସେ ଚାକିରୀରୁ ଅବସରନେବା ପରେ ନିଜକୁ ସମାଜ ସେବାରେ ନିୟୋଜିତ କରି ନିଜ ବ୍ଲକ ଅସ୍ତରଙ୍ଗ ଅଞ୍ଚଳରେ ବହୁ ଉନ୍ନୟନ କାର୍ଯ୍ୟ ମଧ୍ୟ କରିଥିବା ନଜିର ରହିଛି । ତାଙ୍କ ମୃତ୍ୟୁରେ ପ୍ରଦେଶ କଂଗ୍ରେସ କୃଷକ ସେଲ ର ଅଧକ୍ଷ ଅମୀୟକୁମାର ପଟ୍ଟନାୟକ , ଅସ୍ତରଙ୍ଗ ବ୍ଲକ କଂଗ୍ରେସ କମିଟି ସଭାପତି, ସୁକାନ୍ତ କୁମାର ମହାନ୍ତି,ପ୍ରମୁଖ୍ ଶୋକପ୍ରକାଶ କରିଥିବା ବେଳେ, ଅସ୍ତରଙ୍ଗ ଅଞ୍ଚଳରେ ଶୋକର ଛାୟା ଖେଳି ଯାଇଛି ।