ରାଉରକେଲା, (ବସନ୍ତ କୁମାର ଜେନା): ଲହୁଣୀପଡ଼ା ପୋଲିସ ଗତ ୨୧ ତାରିଖରେ ଚୋରି ହୋଇଥିବା ୪ ଲକ୍ଷ ଟଙ୍କାର ଗରମ କପଡ଼ା ସହିତ ୨ ଅଭିଯୁକ୍ତ ଓ ପିକ୍‌ଅପ୍ ଭ୍ୟାନକୁ ଜବତ କରିଛି । ଚୋରି ଅଭିଯୋଗରେ ପୋଲିସ ଅନ୍ୟଜଣେ ଫେରାର ଅଭିଯୁକ୍ତଙ୍କୁ ଖୋଜୁଛି । ମିଳିଥିବା ସୂଚନାନୁଯାୟୀପଡ଼ା ଥାନା ଅନ୍ତର୍ଗତ ଷ୍ଟେଟ ବ୍ୟାଙ୍କ ନିକଟରୁ ଗତ ଜାନୁଆରୀ ୨୧ ତାରିଖ ଦିନ ମୁକେଶ ସା ନାମକ ଜଣେ ବ୍ୟବସାୟୀଙ୍କ ଘର ସମ୍ମୁଖରୁ ପିକଅପ ଭ୍ୟାନ ସହ ୪ ଲକ୍ଷ ଟଙ୍କାର ଗରମ ପୋଷାକ ସାମଗ୍ରୀ ଚୋରି ହୋଇଥିଲା । ଏହି ଚୋରି ସାମଗ୍ରୀ ସୁନ୍ଦରଗଡ଼ ଜିଲ୍ଲା ହାତୀବାରୀ ଥାନା ଅଚଂଳରେ ଥିବା ପୋଲିସ ତଦନ୍ତ କାଳରେ ଜାଣିବାକୁ ପାଇଥିଲେ । ଲହୁଣୀପଡ଼ା ପୋଲିସ ଉକ୍ତ ଅଚଂଳରେ ଚଢ଼ଉ କରି ଭ୍ୟାନ ସହ ଚୋରି ହୋଇଥିବା ସାମଗ୍ରୀକୁ ଉଦ୍ଧାର କରାଯାଇଥିଲା । ଏହା ସହ ୨ ଅଭିଯୁକ୍ତଙ୍କୁ ମଧ୍ୟ ଗିରଫ କରାଯାଇଥିଲା । ଗିରଫ ହୋଇଥିବା ଅଭିଯୁକ୍ତ ଗଣେଷ ସା (୩୨), ମହମ୍ମଦ ସୁଫିଆନ (୨୪) । ଏମାନଙ୍କ ଘର ବିଶ୍ରା ଥାନା ଅନ୍ତର୍ଗତ ।ଏମାନଙ୍କ ନାଁ ରେ ପୂର୍ବରୁ ବହୁ ଥାନାରେ ଚୋରି ଅଭିଯୋଗ ରହିଥିଲା ବୋଲି ବଣାଇଁ ଉପଖଣ୍ଡ ପୋଲିସ ଅଧିକାରୀ ସୌରଭ ଅଟ୍ଟା ସାମ୍ବାଦିକ ସମ୍ମିଳନୀରେ ପ୍ରକାଶ କରିଛନ୍ତି । ଆଉ ଜଣେ ଅଭିଯୁକ୍ତ ଫେରାର ଅଛନ୍ତି ।