ନିଶ୍ଚିନ୍ତକୋଇଲି(ଦେବେନ୍ଦ୍ର ଷଡ଼ଙ୍ଗୀ)-ଗତକାଲି ରାତ୍ରର ବିଳମ୍ବିତ ପ୍ରହରରେ ନିଶ୍ଚିନ୍ତକୋଇଲି ବ୍ଲକ କଟିକଟା ଗ୍ରାମପଂଚାୟତ ମୁରଦାବାଦ ଗ୍ରାମର ଜଣକ ଗୁହାଳ ଘରୁ କେହି ଦୁର୍ବୃତ୍ତ ୨୨ଟି ଛେଳି ଚୋରି କରି ନେଇଥିବାର ଅଭିଯୋଗ ହୋଇଛି । ମୁରୁଦାବାଦ ଗ୍ରାମର ବିଜୟ କୁମାର ପରିଡ଼ା ଓ ରଞ୍ଜନ କୁମାର ପରିଡ଼ା ନିଜ ପରିବାର ପ୍ରତିପୋଷଣ କରିବା ନିମନ୍ତେ ୩୦ଟି ଛେଳି ପାଳିଥିଲେ । ଗତକାଲି ରାତ୍ରର ବିଳମ୍ବିତ ପ୍ରହରରେ କେତେକ ଦୁବୁ ର୍ ତାଙ୍କ ଗୁହାଳ ଘରେ ପ୍ରବେଶ କରି ୨୨ଟି ଛେଳି ଚୋରି କରିନେଇଥିବାର ଶ୍ରୀ ପରିଡ଼ା ନିଶ୍ଚିନ୍ତକୋଇଲି ଥାନାରେ ଲିଖିତ ଅଭିଯୋଗ କରିଛନ୍ତି । ପୋଲିସ ଘଟଣାସ୍ଥଳରେ ପହ ି ତଦନ୍ତ ଆରମ୍ଭ କରିଛିି । ତେବେ ଏହି ଥାନା ଅଂଚଳରେ ଘନ ଘନ ଚୋରି ବୃଦ୍ଧି ପାଉଥିବା ଯୋଗୁଁ ସ୍ଥାନୀୟ ଗ୍ରାମବାସୀଙ୍କ ମହଲରେ ଆତଙ୍କ ଖେଳିଯାଇଛି । ଅପରପକ୍ଷରେ ବିଜୟ କୁମାର ପରିଡ଼ା ଓ ରଞ୍ଜନ କୁମାର ପରିଡ଼ା ଅତ୍ୟନ୍ତ ଗରିବ ଶ୍ରେଣୀର ଲୋକ ହୋଇଥିବାରୁ ନିଶ୍ଚିନ୍ତକୋଇଲି ଥାନା ପକ୍ଷରୁ ଏହାର ଉଚ୍ଚସ୍ତରୀୟ ତଦନ୍ତ କରାଯାଇ ଛେଳି ଚୋରକୁ ଧରିବା ପାଇଁ ସାଧାରଣରେ ଦୃଢ ଦାବି ହୋଇଛି ।