ରଣପୁର/ ପ୍ରସନ୍ନ ସାମନ୍ତରାୟ : ଚାକିରୀ କରାଇଦେବାର ଲୋଭନୀୟ ପ୍ରତିଶୁତିଦେଇ ଅଭିନଵ ଉପାୟରେ ଠକୁଥିବା ଅଭିଯୋଗରେ ଜଣେ ଠକ ଯୁବକକୁ ଗିରଫ କରିଛି ରଣପୁର ପୋଲିସ | ତାଙ୍କ ଠାରୁ ଏକ ଦାମି କାର ସହ ଦୁଇଲକ୍ଷ ଟଙ୍କା ଜବତ ହୋଇଛି l ସୂଚନା ଅନୁସାରେ ରଣପୁର ଥାନା ଅନ୍ତର୍ଗତ ହଂସରା ଗ୍ରାମର ରାଜୀବ ପ୍ରଧାନଙ୍କୁ ଆର.ଆଇ ଚାକିରୀ କରାଇ ଦେବା ନାଁରେ ଭଦ୍ରକ ଜିଲ୍ଲାର ଧାନହର ବ୍ଲକ ଧୂଷୁରୀ ଥାନାର ନାୟିକାଣ୍ଡି ଗ୍ରାମ ର ଅଭିଯୁକ୍ତ ମାନସ ସେନାପତି ଲକ୍ଷେ କୋଡିଏ ହଜାର ଟଙ୍କା ନେଇଥିଲା | କିନ୍ତୁ କିଛି ଦିନପରେ ଅଭିଯୁକ୍ତର କାର୍ଯ୍ୟକଳାପରେ ସନ୍ଦେହ ସୃଷ୍ଟି ହେବାରୁ ରାଜୀବ ପ୍ରଧାନ ରଣପୁର ଥାନାରେ ଏକ ଅଭିଯୋଗ କରିଥିଲେ l ଏହାପରେ ରଣପୁର ଥାନା ଏସଆଇ ପ୍ରୀତିପ୍ରକାଶ ମହାନ୍ତି ଓ ବିନାୟକ ପରିଡାଙ୍କ ନେତୃତ୍ୱ ଅଭିଯୁକ୍ତକୁ ଧରିବା ପାଇଁ ଏକ ଟିମ ଗଠନ କରାଯାଇଥିଲା l ଅଭିଯୁକ୍ତ ମାନସ ଅନ୍ୟ ଏକ ଠକାମୀ କରିବାକୁ ଆସିଥିବା ବେଳେ ଖବର ପାଇଁ ରଣପୁର ପୋଲିସ ଅଭିଯୁକ୍ତ କୁ ମଣିନାଗ ରାସ୍ତାରେ ଗିରଫ କରିଥିଲା l ନିଜକୁ ପୋଲିସ ଅଫିସର କହି ବେକାରୀ ଯୁବକ ଓ ଯୁବତୀ ମାନଙ୍କୁ ଠକୁଥିଲା ବୋଲି ପୋଲିସ ଏସଆଇ ପ୍ରୀତିପ୍ରକାଶ ମହାନ୍ତି ଗଣମାଧ୍ୟମକୁ ସୂଚନା ଦେଇଛନ୍ତି |
