ପଦ୍ମପୁର(ଶାସକପ୍ରଶାସକ)- ପଦ୍ମପୁର ଉପଖଣ୍ଡ ଅନ୍ତର୍ଗତ ଦୁବୁଲାବାହାଲ ଛକ ନିକଟରେ ଏକ ମର୍ମନ୍ତୁଦ ସଡକ ଦୁର୍ଘଟଣା ହୋଇ ଜଣେ ଆହତ ସୋଇଥିବାବେଳେ ଜଣକର ଘଟଣାସ୍ଥଳରେ ମୃତ୍ୟୁ ହୋଇଯାଇଛି । ସୂଚନା ମୁତାବକ ସମ୍ବଲପୁର ର ତରୁଣ କୁମାର ସିଂହ ଓ ଶେଷଦେବ ମେହେର ବାଇକ ରେ ପଦ୍ମପୁର ରୁ ଦୁବୁଲାବାହାଲ ଛକ ଦେଇ ବିଜେପୁର ପଟକୁ ଯାଉଥିବା ବେଳେ ବିପରୀତ ଦିଗରୁ ଆସୁଥିବା ଏକ ଟାଟାଏସ ଗାଡ଼ି ସହିତ ଧକ୍କା ହୋଇଥିଲା ଯାହାଫଳରେ ବାଇକ ଚଳାଉଥିବା ତରୁଣ କୁମାର ସିଂ ଙ୍କ ଘଟଣା ସ୍ଥଳରେ ହିଁ ମୃତ୍ୟୁ ହୋଇଯାଇଥିଲା ଏବଂ ଅନ୍ୟ ଜଣକର ଗୋଡ଼ରେ ଆଘାତ ଲାଗିଥିଲା । ମେଲଛାମୁଣ୍ଡା ପୋଲିସ ଘଟଣାସ୍ଥଳରେ ପହଂଚି ଶବ ଜବତ କରି ବ୍ୟବଚ୍ଛେଦ ପାଇଁ ପଦ୍ମପୁର ଉପଖଣ୍ଡ ଚିକିତ୍ସାଳୟ କୁ ପଠାଇଥିବା ବେଳେ ଆହତ ବ୍ୟକ୍ତି ଙ୍କୁ ଆମ୍ବୁଲାନ୍ସ ଯୋଗେ ପଦ୍ମପୁର ଉପଖଣ୍ଡ ଚିକିତ୍ସାଳୟକୁ ପଠାଇଥିଲେ । ଘଟଣା ଘଟାଇବା ପରେ ଟାଟାଏସ ଗାଡ଼ି ଘଟଣାସ୍ଥଳରୁ ଫେରାର ହୋଇଯାଇଛି ଆହତ ବ୍ୟକ୍ତି ଙ୍କ କହିବା ଅନୁଯାୟୀ ଗାଡ଼ି ନମ୍ବର ଟି ହେଉଛି ଓଡି୦୨ଏଆର୮୯୨୭ ଓ ସେ ତାଙ୍କ ମୋବାଇଲ ରେ ଗାଡ଼ିର ଫଟୋ ମଧ୍ୟ ଉଠାଇଛନ୍ତି ।