ମାହାଙ୍ଗା(ଶାସକ ପ୍ରଶାସକ) : ମାହାଙ୍ଗା ଥାନା କୁହୁଣ୍ଡା ଗାଁ'ରେ ଥିବା ଏକ ଝୋଟ ଗୋଦାମରେ ଅଚାନକ ନିଆଁ ଲାଗି ବିପୁଳ ପରିମାଣର ଝୋଟ ପାଉଁଶ ହୋଇଯାଇଥିବା ଜଣାପଡିଛି |
ସୂଚନା ଅନୁଯାୟୀ, ମୂଳବସନ୍ତ ପଞ୍ଚାୟତ ଗୁଣୁପୁର ଗାଁ'ର ଝୋଟ ବ୍ୟବସାୟୀ ଭୀମ ଓ ଅର୍ଜ୍ଜୁନ ସାହୁଙ୍କ ଏହି ଗୋଦାମ ଘରେ କୌଣସି କାରଣରୁ ନିଆଁ ଲାଗିଯାଇଥିଲା | ଏଠାରେ ୨ ହଜାର କ୍ୱିଣ୍ଟାଲରୁ ଅଧିକ ଝୋଟ ମହଜୁଦ ଥିଲା |ଗତକାଲି ମଧ୍ୟାହ୍ନରେ ଏହି ଗୋଦାମ ଭିତରୁ ଧୂଆଁ ବାହାରୁଥିବା ସ୍ଥାନୀୟ ଲୋକେ ଦେଖିବା ପରେ ଫାୟାର ଷ୍ଟେସନକୁ ଖବର ଦେଇ ଥିଲେ| | ସ୍ଥାନୀୟ ଲୋକ ମାନଙ୍କ ସହ ଅଗ୍ନିଶମ ବାହିନୀ ପକ୍ଷରୁ ନିଆଁକୁ ଆୟତ ପାଇଁ ଉଦ୍ୟମ କରାଯାଇଥିଲା | ତେବେ ୨ ହଜାର କ୍ୱିଣ୍ଟାଲରୁ ଅଧିକ ପରିମାଣର ଝୋଟ ସମ୍ପୂର୍ଣ୍ଣ ଜଳି ଯାଇଛି ବୋଲି ଆକଳନ କରାଯାଉଛି | ସ୍ଥାନୀୟ ଆଖ ପାଖ ଅଂଚଳର ଲୋକମାନଙ୍କ ସହଯୋଗ ପରେ ଦରପୋଡା ଅବସ୍ଥାରେ ଅଳ୍ପ କିଛି ଝୋଟ ଗୋଦାମ ଘର ଭିତରୁ ବାହାର କରାଯାଇଥିବା ଜଣା ପଡିଛି | ଏହି ଅଭାବନୀୟ ଘଟଣାକୁ ନେଇ ଗୋଦାମ ମାଲିକ ଅର୍ଜୁନି ସାହୁ ଓ ଭୀମ ସାହୁଙ୍କ ମୁଣ୍ଡରେ ଚଡକ ପଡିଛି |