ରାଉରକେଲା (ବସନ୍ତ କୁମାର ଜେନା) ହାତୀବାରି ପଞ୍ଚାୟତ ପରେ ବୀରମିତ୍ରପୁରରେ ପଶିଛି ଦନ୍ତାହାତୀ । ଯାହାକୁ ନେଇ ସ୍ଥାନୀୟ ଅଞ୍ଚଳର ଲୋକମାନେ ଆତଙ୍କିତ ଅଛନ୍ତି । ହାତୀର ଗତିବିଧି ଉପରେ ନଜର ରଖିଛି ବନବିଭାଗ । ନୂଆଗାଁ ବ୍ଲକ ଅନ୍ତର୍ଗତ ହାତୀବାରି ଅଞ୍ଚଳରେ ଏହି ଦନ୍ତାହାତୀ ବୁଲୁଥିବାବେଳେ ରାତିରେ ବୀରମିତ୍ରପୁର ଟାଉନରେ ପ୍ରବେଶ କରିଛି । ଦନ୍ତା ହାତୀକୁ ଦେଖି ସ୍ଥାନୀୟ ଲୋକେ ଭୟଭୀତ । ଗୋଠ ଛଡ଼ା ହୋଇ ହାତୀଟି ଏକା ବୁଲୁଥିବାରୁ ସ୍ଥାନୀୟ ଲୋକେ ଅଘଟଣର ଆଶଙ୍କା କରି ବନବିଭାଗକୁ ଖବର ଦେଇଥିଲେ । ଖବର ପାଇ ବନବିଭାଗର କର୍ମଚାରୀ ଦନ୍ତାକୁ ସୁରକ୍ଷିତ ସ୍ଥାନକୁ ଘଉଡ଼ାଇବା ପାଇଁ ଉଦ୍ୟମ କରିଥିଲେ । ଏହି ଦନ୍ତା ହାତୀଟି ରାଏବଗା ଅଞ୍ଚଳରେ ଥିବା ସୂଚନା ରହିଛି । ଅନ୍ୟପଟେ ବନ ବିଭାଗର ବରିଷ୍ଠ ଅଧିକାରୀମାନେ ଦନ୍ତା ଉପରେ ନଜର ରଖିଛନ୍ତି ।