ବରଗଡ :- ବରଗଡ ଜିଲ୍ଲା ପାଇକମାଲ ଥାନା ଅନ୍ତର୍ଗତ ଦୁର୍ଗାପାଲି ଗ୍ରାମ ନିକଟରେ ରହିଥିବା ଜଙ୍ଗଲ ବିଭାଗ ଇକୋଟୁରିଜମ ବଙ୍ଗଳା ନିକଟରେ ଜଙ୍ଗଲ ଭିତରେ ଜଣେ ଯୁବକ ବେକରେ ଦଉଡି ଦେଇ ଆତ୍ମହତ୍ୟା କରିଥିବାର ଦେଖିବାକୁ ମିଳିଛି । ସୂଚନା ଅନୁସାରେ ପଦ୍ମପୁର ଥାନା ଅନ୍ତର୍ଗତ ଅମଳିପାଲି ଗ୍ରାମର ସେବାରମ ଧାରୁଆ (୧୮) ପିତା ଲକ୍ଷପତି ଧାରୁଆ ଗତ କାଲି ରାତିରୁ ଘରୁ ବାହାରି ଯାଇଥଲେ । ସେ ଆଜି ସକାଳେ ପ୍ରାୟ ବାର ଘଣ୍ଟା ସମୟରେ ଜଙ୍ଗଲ ଭିତରେ ଆତ୍ମହତ୍ୟା କରିଥିବା ଜଣା ପଡୁଛି । ଘଟଣା ର ଖବର ପାଇବା ପରେ ପାଇକମାଲ ଥାନା ଅଧିକାରୀ ଶ୍ରୀ ବିଶ୍ୱଜିତ ମନବୋଧ ଓ ପୋଲିସ କର୍ମଚାରୀ ପହଂଚି ଝୁଲନ୍ତା ଶବକୁ ଗଛରୁ ଓଲ୍ହାଇ ତଦନ୍ତ ଆରମ୍ଭ କରିଛନ୍ତି । ତେବେ ଯୁବକ ର ଆତ୍ମହତ୍ୟା ର କାରଣ ବର୍ତ୍ତମାନ ସୁଦ୍ଧା ଜଣା ପଡିନାହିଁ । ଆସନ୍ତା କାଲି ଶବ ବ୍ୟବଚ୍ଛେଦ ପରେ ପରିବାର ଲୋକଙ୍କୁ ହସ୍ତାନ୍ତର କରାଯିବ ବୋଲି ଥାନା ଅଧିକାରୀ ସୂଚନା ଦେଇଛନ୍ତି ।
