କଲ୍ୟାସିଂହପୁର/ପ୍ରଦିପ ଦଲାଇ: ରାୟଗଡା ଜିଲ୍ଲା କଲ୍ୟାଣସିଂହପୁର ସଦର ପଞ୍ଚାୟତର ଲତାଗୁଡା ଗାଁ ନିକଟରେ ଟ୍ରାକ୍ଟର ଧକ୍କାରେ ଛାତ୍ରୀ ଗୁରୁତର ହୋଇ ଚିକିତ୍ସାଳୟ ରେ ଚିକିତ୍ସିତ ହେଉଥିବା ଦେଖିବାକୁ ମିଳିଛି ।ଲତାଗୁଡା ଗାଁର ମୁଗୁରି କର୍ଷିକା ଙ୍କ ଝିଅ ସୁନିତା କର୍ଷିକା (୧୪)ସ୍ଥାନୀୟ ସରକାରୀଉଚ୍ଚ ବିଦ୍ୟାଳୟରେ ନବମ ଶ୍ରେଣୀରେ ପାଠ ପଢି ମଧ୍ୟାହ୍ନ ରେ ସାଇକଲ ଯୋଗେ ଘରକୁ ଫେରୁଥିବା ବେଳେ କଟକିନାଳ ଗଡାଣି ରେ ପଛ ପାର୍ଶ୍ୱ ରୁ ଏକ ବାଲି ବୋଝେଇ ଟ୍ରାକ୍ଟର ଓଆର୧୮ ଜି ୫୫୩୧ ନମ୍ବର ଆସି ଛାତ୍ରୀକୁ ଧକ୍କା ଦେଇ ଥିଲା ।ଘଟଣା ସ୍ଥଳରେ ଛାତ୍ରୀ ପଡି ଛୋଟପଟ ହେଉଥିବା ବେଳେ ଗ୍ରାମ ବାସି ଦେଖି ସଙ୍ଗେ ସଙ୍ଗେ ୧୦୮ କୁ ଯୋଗା ଯୋଗ କରିଥିଲେ ।ଗାଡି ଉପଲବ୍ଧ ନଥିବା ଜାଣି ଅଗ୍ନିସେବା କେନ୍ଦ୍ର କୁ ଯୋଗା ଯୋଗ କରିଥିଲେ ।ଗାଡି ଘଟଣା ସ୍ଥଳରେ ପହଞ୍ଚୀବା ବିଳମ୍ବ ହେବାରୁ ଥାନା ଗାଡି ଘଟଣା ସ୍ଥଳରେ ପହଞ୍ଚି ଛାତ୍ରୀ କୁ ଉଦ୍ଧାର କରି ସ୍ଥାନୀୟ ସ୍ୱାସ୍ଥ୍ୟ କେନ୍ଦ୍ର ରେ ପହଞ୍ଚାଇ ଥିଲେ ।ଏଠାରେ ଡାକ୍ତର ପ୍ରାଥମିକ ଚିକିତ୍ସା କରି ଛାତ୍ରୀ ଗୁରୁତର ଆହତ ହୋଇଥିବା ରୁ ରାୟଗଡା ମୁଖ୍ୟ ଚିକିତ୍ସାଳୟ କୁ ପଠାଇଥିଲେ ।ପୁଲିସ ଏସ ଆଇ ରଞ୍ଜନ ନାଗ, ହରି ବନ୍ଧୁ ବେହେରା ଘଟଣା ସ୍ଥଳରେ ପହଞ୍ଚି ତଦନ୍ତ ଚଳାଇଛନ୍ତି ।