ପଦ୍ମପୁର(ଶାସକପ୍ରଶାସକ)-ପଦ୍ମପୁର ଉପଖଣ୍ଡ ମେଲଛାମୁଣ୍ଡା ଥାନା ଅନ୍ତର୍ଗତ ଝୁନଙ୍ଗାପାଲି ଗ୍ରାମରେ ଏକ ଲୋମହର୍ଷଣକାରୀ ହତ୍ୟାକାଣ୍ଡ ଘଟି ଯାଇଛି । ବାପାର ହତ୍ୟା ଅଭିଯୋଗରେ ପୁଅକୁ ଗିରଫ କରିଛି ମେଲଛାମୁଣ୍ଡା ପୋଲିସ । ଝୁନଙ୍ଗାପାଲି ର ଟିକଲାଲ ନାଗଙ୍କ ଅଭିଯୋଗ ମତେ ଗତ ଦୁଇ ବର୍ଷ ହେଲା ରାଧାକାନ୍ତ ଦେହୁରୀ ତାଙ୍କ ସପରିବାର ଟିକଲାଲଙ୍କ ଝୁନଙ୍ଗାପାଲି ସ୍ଥିତ ଘରେ ଭଡ଼ାରେ ରହୁଥିଲେ । ଗତ ୭ ତାରିଖ ୪.୩୦ ସମୟରେ ଦିପକ ଦେହୁରୀ ତାଙ୍କ ବାପା ରାଧାକାନ୍ତ ଦେହୁରୀ ଙ୍କୁ ପଇସା ମାଗିବାରୁ ଦୁହିଁଙ୍କ ମଧ୍ୟରେ ଝଗଡ଼ା ହେଲା ଏବଂ ପଇସା ନ ଦେବାରୁ ରାଧାକାନ୍ତ ଦେହୁରୀ ଙ୍କୁ ଗୋଟିଏ ଲୁହା ଛଡ଼ ରେ ମାରିଦେଲା । ଏବିଷୟରେ ଜାଣିଲା ପରେ ଘର ମାଲିକ ଟିକଲାଲ ନାଗ ପୋଲିସ ରେ ଖବର ଦେଇଥିଲେ ପୋଲିସ ଆସି ଶବ ଜବତ କରି ବ୍ୟବଚ୍ଛେଦ ପାଇଁ ପଠାଇଥିଲେ । ବଲାଙ୍ଗୀର ସାଇଣ୍ଟିଫିକ ଦଳ ଆସି ମର୍ଡର ରେ ବ୍ୟବହୃତ ହୋଇଥିବା ଲୁହା ରଡ଼ ଜବତ କରିଥିଲେ । ଅଭିଯୁକ୍ତ କୁ ପୋଲିସ ଗିରଫ କରି କୋର୍ଟ ଚାଲାଣ କରିଥିବା ମେଲଛାମୁଣ୍ଡା ଥାନାଅଧିକାରୀ ସ୍ବପ୍ନାରାଣୀ ଗୋଛୟତ ସୂଚନା ଦେଇଛନ୍ତି ।