ପୁରୀ/ଅନିମେଷ ପଟ୍ଟନାୟକ : ବିସ୍ଫୋରଣରେ ଚୁରମାର ହୋଇଛି ବଳଙ୍ଗା ଥାନା । ବିଳମ୍ବିତ ରାତିରେ ଥାନା ଘଟିଛି ବିସ୍ଫୋରଣ । ବିସ୍ଫୋରଣ ଏତେ ଶକ୍ତିଶାଳି ଥିଲାଯେ, ଥାନାର ଛାତ ଉଡିଯିବା ସହ କାନ୍ଥବାଡ଼ ସବୁ ଭାଙ୍ଗି ମାଟିରେ ମିଶିଯାଇଛି ।
ସୋମବାର ବିଳମ୍ବିତ ରାତି ପ୍ରାୟ ୧ଟା ହେବ ପ୍ରଚଣ୍ଡ ଶବ୍ଦରେ ଥରି ଉଠିଥିଲା ବଳଙ୍ଗା ଥାନା ଅଞ୍ଚଳ । ବିରାଟ ବିସ୍ଫୋରଣରେ ମାଟିରେ ଥାନା ସଂପୂର୍ଣ୍ଣ ଭୂଷୁଡି ପଡିଲା । ରିପୋର୍ଟ ଲେଖିବା ବେଳକୁ  କେହି ମୃତାହତ ହୋଇନଥିବା କୁହାଯାଉଛି । ବିସ୍ଫୋରଣରେ ଅନେକ ଜରୁରି କାଗଜପତ୍ର ଆଦି ପୋଡି ନଷ୍ଟ ହୋଇଯାଇଛି ।
ଘଟଣାସ୍ଥଳରେ ଏସଡିପିଓ ଓ ପୁରୀ ଏସ୍ପି ପହଞ୍ଚି ଅନୁଧ୍ୟାନ କରିଛନ୍ତି । ବିସ୍ଫୋରଣର କାରଣ ଅସ୍ପଷ୍ଟ ଥିଲେ ବି ଥାନାରେ ପୂର୍ବରୁ ଜବତ ବିସ୍ଫୋରକ ଯୋଗୁଁ ବିସ୍ଫୋରଣ ହୋଇଥିବା ଅନୁମାନ କରାଯାଉଛି ।
ସେପଟେ ପିପିଲି ଉପନିର୍ବାଚନ ଆଗକୁ ମାତ୍ର ଦୁଇଦିନ ଥିବା ବେଳେ ବିସ୍ଫୋରଣରେ ଥାନା ଉଡିଯିବାକୁ ସହଜରେ ଗ୍ରହଣ କରିପାରୁନାହାନ୍ତି ସ୍ଥାନୀୟ ଲୋକେ । ଉପନିର୍ବାଚନ ସମୟରେ କୌଣସି ଥାନା କର୍ମଚାରୀ କିପରି ଥାନାରେ ଉପସ୍ଥିତ ନଥିଲେ ତାହା ଏବେ ବଡ ପ୍ରଶ୍ନ ସୃଷ୍ଟି କରିଛି ।