ବରଗଡ :- ଆଜି ସାରା ଓଡିଶା ପବିତ୍ର ଗଣପର୍ବ ନୂଆଁଖାଇ ପାଳନ କରୁଥିବା ବେଳେ ଏକ ଦୁଖଦ ଖବର ଆସିଛି ବରଗଡ଼ ଜିଲ୍ଲା ପାଇକମାଲ ବ୍ଲକ ବୁକୁରାମୁଣ୍ଡା ପଞ୍ଚାୟତ ର ମହୁଲ ପାଲି ଗାଁରୁ | ଗ୍ରାମର ତୀର୍ଥ ବରୀହା ଙ୍କର ଷୋହଳ ବର୍ଷୀୟ ପୁଅ ଦୁଖୀଶ୍ୟାମ ବରିହା , ଗ୍ରାମ ନିକଟସ୍ଥ ଏକ ବିଲରେ ଥିବା ବମ୍ବୁର ଗଛରେ ନିଜେ ପିନ୍ଧିଥିବା ବାନିୟନ ର ରଶି ବନେଇ ବେକରେ ଫାଶି ଲଗେଇ ଆତ୍ମହତ୍ୟା କରିଥିବା ସୂଚନା ମିଳିଛି । ପାଇକମାଲ ଥାନା ଅଧିକାରୀ ଶ୍ରୀ ବିଶ୍ୱଜିତ ମନବୋଧ ଙ୍କର ସୂଚନା ମୁତାବକ ଆତ୍ମହତ୍ୟା ର ପ୍ରକୃତ କାରଣ ବର୍ତ୍ତମାନ ସୁଦ୍ଧା ଜଣା ପଡି ନ ଥିବା ବେଳେ , ଘରୋଇ କଳହ ରୁ ଦୁଖୀଶ୍ୟାମ ଆତ୍ମହତ୍ୟା କରିଥାଇ ପାରେ ବୋଲି ଅନୁମାନ କରା ଯାଉଛି । ତେବେ ଏହି ମାମଲାରେ ପାଇକମାଲ ଥାନାରେ ଅପମୃତ୍ୟୁ ମାମଲା ନମ୍ବର 22/21ରୁଜୁ କରାଯାଇ ଥାନା ଅଧିକାରୀ ତଦନ୍ତ ଜାରି ରଖିଥିବା ବେଳେ ପାଇକମାଲ ପୋଲିସ ଦ୍ୱାରା ଶବ ଜବତ କରାଯାଇ ବ୍ୟବଚ୍ଛେଦ ପାଇଁ ପାଇଁ ପଦ୍ମପୁର ଉପଖଣ୍ଡ ଡାକ୍ତରଖାନା କୁ ପଠେଇ ଦିଆ ଯାଇଛି । ବ୍ୟବଚ୍ଛେଦ ସରିବା ପରେ ପରିବାର ଲୋକଙ୍କୁ ଶବ ହସ୍ତାନ୍ତର କରାଯିବ ବୋଲି ଥାନା ଅଧିକାରୀ ସୂଚନା ଦେଇଛନ୍ତି ।