୯୮ ଜଣ ବିଜେପି କର୍ମୀଙ୍କୁ ସାଙ୍ଗରେ ନେଇବିଜେଡିରେ ଦଳରେ ଯୋଗ ଦେଲେ ସରପଞ୍ଚ

ପାଟଣାଗଡ଼, ଶାସକ ପ୍ରଶାସକ ( ଯତୀନ୍ଦ୍ର ନନ୍ଦ ) - ବଲାଙ୍ଗୀର  ଜିଲ୍ଲା ପାଟଣାଗଡ଼  ଉପଖଣ୍ଡ  ପାଟଣାଗଡ଼  ନିର୍ବାଚନ ମଣ୍ଡଳୀର ଖପ୍ରାଖୋଲ ବ୍ଳକ " କରୁଆଁଝର "ଗ୍ରାମ ପଞ୍ଚାୟତର  ସରପଞ୍ଚ, ନାଏକ ସରପଞ୍ଚ, ୱର୍ଡ ମେମ୍ବର ସମେତ  ମୋଟ ୯୮ ଜଣ  ବିଜେପି କର୍ମୀ ଦଳ ଛାଡ଼ି ତଥା ପଦ୍ମଫୁଲ ଚି଼ହ୍ନ ଦଳକୁ ବାଏ ବାଏ କରି ବିଜେଡିରେ ଅର୍ଥାତ ଶଙ୍ଖ ଚି଼ହ୍ନ ଦଳରେ ଯୋଗଦାନ କରିଛନ୍ତି । ଫଳରେ ପଦ୍ମ ମୌଳିଲା ଆଉ ଶଙ୍ଖ ଚମକିଲା କହିଲେ କିଛି ଭୁଲ ହେବନାହିଁ । ମୁଖ୍ୟମନ୍ତ୍ରୀ  ନବୀନ  ପଟ୍ଟନାୟକଙ୍କ  ସ୍ୱଚ୍ଛ  ନିର୍ମଳ  ଶାସନରେ  ଅନୁପ୍ରାଣିତ  ହୋଇ ବିଧାୟକ  ସରୋଜ  କୁମାର  ମେହେରଙ୍କ ନେତୃତ୍ୱରେ  ଆସ୍ଥା  ପ୍ରକଟ  କରି  ବିଜେଡିରେ ସାମିଲ  ହୋଇଥିବା  ନେଇ  ନୂତନ ଭାବେ ଦଳରରେ ସାମିଲ ହୋଇଥିବା  କର୍ମୀମାନେ ପ୍ରକାଶ କରିଛନ୍ତି । ଦଳରେ  ସାମିଲ  ହୋଇଥିବା  କର୍ମୀ ମାନଙ୍କୁ  ଉତ୍ସାହିତ କରିଥିବା  ସହ  ବିଜେଡି  ଦଳୀୟ ଶଙ୍ଖ ଚିହ୍ନ ରହିଥିବା ଚାଦର ଅପର୍ଣ ସହ ସ୍ଵାଗତ କରିଥିଲେ ବିଧାୟକ ସରୋଜ କୁମାର ମେହେର । ଆଜିର  ଏହି  ମିଶ୍ରଣ  ପର୍ବରେ  ବହୁ  ଦଳୀୟ  କର୍ମୀ ଉପସ୍ଥିତ  ଥିଲେ ।