ବରଗଡ :- ସ୍ବର୍ଗତ ସୁବଳ ସାହୁଙ୍କ ଶ୍ରାଦ୍ଧଦିବସରେ ପୁଣି ତାଙ୍କ ପରିବାର ପାଇଁ ଏକ ଅପୂରଣୀୟକ୍ଷତି ହୋଇଛି । ସୁବଳ ସାହୁଙ୍କ ପୁତୁରା ଶ୍ରୀ ମହେଶ କୁମାର ସାହୁ ଦୀର୍ଘଦିନ ଧରି ଅସୁସ୍ଥ ଥିବା ପରେ ଗତକାଲି ପ୍ରାଣତ୍ୟାଗ କରିଛନ୍ତି । ଆଜି ସକାଳେ ବରପାଲି ବିଜୁ ଜନତା ଦଳର ସକ୍ରିୟ ଯୁବନେତା ମହେଶ ସାହୁଙ୍କ ଅନ୍ତିମ ସଂସ୍କାରରେ ମନ୍ତ୍ରୀ ଶ୍ରୀ ସୁଶାନ୍ତ ସିଂହ ଓ ବରଗଡ଼ ବିଧାୟକ ଶ୍ରୀ ଦେବେଶ ଆଚାର୍ଯ୍ୟ ଯୋଗଦେଇ ତାଙ୍କ ମର ଶରୀରକୁ ପୁଷ୍ପ ମାଲ୍ୟାର୍ପଣ କରି ଶ୍ରଦ୍ଧାଞ୍ଜଳି ଜଣାଇଥିଲେ । ସାହୁ ପରିବାର ର ଏହି ଦୁଃଖ ସମୟରେ ଜିଲ୍ଲା ଯୁବ ସଭାପତି ଶ୍ରୀ ପ୍ରଦ୍ୟୁମ୍ନ କୁମାର ତ୍ରିପାଠୀ, ଓଡ଼ିଶା ମୋ ପରିବାର ଜିଲ୍ଲା ସଂଯୋଜକ ଶ୍ରୀ ଗୌରହରି ମିଶ୍ର ସମେତ ସ୍ଥାନୀୟ ନେତା ତଥା ଅତି ନିବିଡ ସମ୍ପର୍କୀୟ ଲୋକ ଉପସ୍ଥିତ ଥିଲେ । ଏପରି ଦୁଃଖ ସମୟରେ ଶୋକ ସନ୍ତପ୍ତ ପରିବାରକୁ ସମବେଦନା ଜଣାଇବା ସହିତ ଭଗବାନ ଙ୍କର ନିକଟରେ ମୃତ ଆତ୍ମ ର ସଦ୍ଗତି କାମନା କରିଛନ୍ତି ବିଧାୟକ ଶ୍ରୀ ଆଚାର୍ଯ୍ୟ ଓ ମନ୍ତ୍ରୀ ଶ୍ରୀ ସୁଶାନ୍ତ ସିଂ ।