ରାୟଗଡା (ସରୋଜ ସାହୁ ) – ରାୟଗଡା ଜିଲ୍ଲା ମୁନିଗୁଡା ବ୍ଲକ ଆମ୍ବାଦଳା ନିକଟସ୍ଥ ମଂଜୁରକୁପା ଠାରେ ସଡକ ଦୁର୍ଘଟଣା ଘଟିିଛି । ଏକ ଘରୋଇ ଆମ୍ବୁଲାନ୍ସ ଓ ଟ୍ୟାଙ୍କ ମଧ୍ୟରେ ହୋଇଥିବା ଦୁର୍ଘଟଣାରେ ଘଟଣା ସ୍ଥଳରେ ହିଁ ଆମ୍ବୁଲାନ୍ସରେ ଥିବା ୩ ଜଣଙ୍କର ମୃତ୍ୟୁ ହୋଇଥିବା ବେଳେ ୩ ଜଣ ଗୁରୁତରଙ୍କୁ ମୁନିଗୁଡା ଡାକ୍ତରଖାନାରେ ଭର୍ତି କରାଯାଇଥିଲା । ଡାକ୍ତରଖାନାରେ ଜଣେ ଗୁରୁତରଙ୍କ ମୃତ୍ୟୁ ହୋଇଥିବା ସୂଚନା ରହିଛି । ସୂଚନା ମୁତାବକ ବିଷମକଟକରୁ ବଲାଙ୍ଗୀର ଜିଲ୍ଲା ବଙ୍ଗମୁଣ୍ଡା କପିଲଭଟ୍ଟକୁ ଆମ୍ବୁଲାନ୍ସ ଯାଉଥିବା ବେଳେ ବିପରୀତ ଦିଗରୁ ଝାରସଗୁଡାରୁ ଟିକିର ଅଭିମୁଖେ ଯାଉଥିବା ଟ୍ୟାଙ୍କର ସହ ମୁହାଁମୁହିଁ ଧକ୍କା ହୋଇଥିଲା । ବିଷମକଟକ ଖ୍ରୀଷ୍ଟିଆନ ଡାକ୍ତରଖାନାକୁ ଏକ ମହିଳା ଚିକିତ୍ସା ପାଇଁ ଆସି ମୃତ୍ୟୁ ଘଟିବା ପରେ ମୃତଦେହକୁ ନେଇ ଆମ୍ବୁଲାନ୍ସ ଯୋଗେ ଫେରୁଥିବା ବେଳେ ଦୁର୍ଘଟଣା ଘଟିଥିଲା । ଦୁର୍ଘଟଣାରେ ଆମ୍ବୁଲାନ୍ସ ଡ୍ରାଇଭର ସହ ୩ ଜଣଙ୍କ ମୃତ୍ୟୁ ଘଟିଛି ।