ଭଦ୍ରକ ବ୍ଲକ୍,(ସୀତାକାନ୍ତ ପାଢ଼ୀ) : ଭଦ୍ରକରେ ବାରମ୍ବାର ବ୍ରାଉନସୁଗର ଧରା ହେଉଥିଲେ ମଧ୍ୟ ଏଥିରେ ସାମିଲ ଥିବା ମାଫିଆଙ୍କୁ ଧରିବାରେ ପୁଲିସ ବିଫଳ ହେଉଛି । ଗତ ତିନିଦିନ ପୁର୍ବେ ଭଦ୍ରକ କୁଦମବେଡ଼ା ଠାରେ 3 ନିଶାଡୀଙ୍କୁ ବ୍ରାଉନସୁଗର ସହିତ ପୁଲିସ ଧରିବା ପରେ କୋର୍ଟ ଚାଲାଣ କରିଥିଲା । ଆଜି ପୁଣି ଭଦ୍ରକ ଟାଉନ୍ ପୋଲିସ 112 ଗ୍ରାମ ବ୍ରାଉନ ସୁଗାର ଜବଦ କରିବା ସହିତ ମୋଟର ସାଇକେଲ ସମେତ 2 ଜଣକୁ ଗିରଫ କରିଛି । କୋଭିଡ କଟକଣାକୁ ନେଇ ପୋଲିସ ରାସ୍ତାରେ ଚେକିଂ କରୁଥିବା ସମୟରେ ମୋଟେଲ ଛକ ନିକଟରେ ଗୋଟିଏ ବାଇକରେ 2 ଅଭିଯୁକ୍ତ ବ୍ରାଉନସୁଗାର ନେଇ ଯାଉଥିବବେଳେ, ପୋଲିସ ହାତରେ ଧରାପଡ଼ିଥିଲେ l ଦୁଇ ଅଭିଯୁକ୍ତଙ୍କ ନିକଟ ରୁ 112 ଗ୍ରାମ ବ୍ରାଉନସୁଗାର ଜବଦ ହୋଇଥିବା ପୋଲିସ ସୂଚନା ଦେଇଛି l ଜବତ  ବ୍ରାଉନସୁଗାର ର ଅନୁମାନିକ ମୂଲ୍ୟ 10 ଲକ୍ଷ ଟଙ୍କାରୁ ଉର୍ଦ୍ଧ୍ବ ବୋଲି ପୁଲିସ କହିଛି। ଗିରଫ ଅଭିଯୁକ୍ତ ଦୁଇଜଣ ହେଲେ ଆଗରପଡା ଥାନା ଅଞ୍ଚଳର ଜଗବନ୍ଧୁ ଲେଙ୍କା ଓ ଇନ୍ଦ୍ରମଣି ସାହୁ । ଚଢ଼ାଉ ବେଳେ ସେମାନଙ୍କ ପାଖରୁ ଏକ ବାଇକ ,ଦୁଇ ହଜାର ଟଙ୍କା ଓ ମୋବାଇଲ ଫୋନ ମଧ୍ୟ ଜବତ ହୋଇଛି । କେଶ ନମ୍ୱର୍ 254/21 ରେ NDPS act ଦ୍ଵାରା ସେମାନଙ୍କୁ କୋର୍ଟ ଚାଲାଣ କରାଯାଇଥିବା ଏକ ସାମ୍ବାଦିକ ସମ୍ମିଳନୀରେ SDPO ସୂଚନା ଦେଇଛନ୍ତି ।