ବେତନଟୀ(ଶାସକ ପ୍ରଶାସକ) : ମୟୂରଭଞ୍ଜ ଜିଲ୍ଲା ବେତନଟୀ ଥାନା ଅଧୀନ ଗୁହାଳଡିହି ଗ୍ରାମରେ ବାସ କରୁଥିବା ଅବସରପ୍ରାପ୍ତ ହିନ୍ଦି ଶିକ୍ଷକ ତଥା ଆର୍ନ୍ତଜାତୀୟ ଖେଳାଳି ପୋଲିସ ଇନସପେକ୍ଟର ମନ୍ଦାକିନୀ ମହାନ୍ତଙ୍କ ପିତା ଶ୍ୟାମସୁନ୍ଦର ମହାନ୍ତଙ୍କର ୮୧ ବର୍ଷ ବୟସରେ ଦେହାନ୍ତ ହୋଇ ଯାଇଛି । ଦିବଂଗତ ଶ୍ୟାମସୁନ୍ଦର ଯୁଗଳ ଉଚ୍ଚ ବିଦ୍ୟାଳୟରୁ ଅବସର ଗ୍ରହଣ କରି ଥିଲେ । ଶ୍ୟାମସୁନ୍ଦର ଜଣେ ଛାତ୍ର ବତ୍ସଳ ଶିକ୍ଷକ, ମେଳାପି, ମିଷ୍ଟଭାଷୀ, ପରୋପକାରୀ ଓ ଧର୍ମପରାୟଣ ବ୍ୟକ୍ତିତ୍ୱ ଥିଲେ । ସେ ପ୍ରଜାପିତା ବ୍ରହ୍ମାକୁମାରୀର ଜଣେ ପ୍ରଚାରକ ଥିଲେ । ଶ୍ୟାମସୁନ୍ଦରଙ୍କ ଦେହାନ୍ତରେ ତାଙ୍କର ଧର୍ମପତ୍ନୀ ବାଲିମଣୀ ମହାନ୍ତ, କନ୍ୟା ଚାରୁଲତା, ଆର୍ନ୍ତଜାତୀୟ ଖେଳାଳି ମନ୍ଦାକିନୀ ମହାନ୍ତ, ପୁତ୍ର ସତ୍ୟନାରାୟଣ ମହାନ୍ତ, ଜଗବନ୍ଧୁ ମହାନ୍ତ, ଜ୍ୱାଇଁ ପରେଶଚନ୍ଦ୍ର ମହାନ୍ତ, ପୁତ୍ରବୋଧୁ ଭାରତୀ ମହାନ୍ତ ସମସ୍ତେ ଶୋକାଭିଭୂତ ହୋଇ ପଡି ଥିବାର ଜଣା ପଡିଛି । ତାଙ୍କ ଦେହାନ୍ତକୁ ନେଇ ସମଗ୍ର କ୍ରୀଡା ଜଗତ ଓ ଶିକ୍ଷକ ସମାଜ ଶୋକ ପ୍ରକାଶ କରିଛି । ସ୍ୱର୍ଗତଃ ଶ୍ୟାମସୁନ୍ଦରଙ୍କ ଶେଷକୃତ୍ୟ ସମ୍ପନ୍ନ ହୋଇ ଥିବାର ଜଣା ପଡିଛି ।
