ଭଦ୍ରକ,(ସତ୍ୟଭୂଷଣ ସ୍ଵାମୀ): ଜିଲ୍ଲା ଅବକାରୀ ବିଭାଗ ପକ୍ଷରୁ ଅବକାରୀ ନିରୀକ୍ଷକ ଶ୍ରୀ କ୍ଷୀତିସ ଦାସ ଏବଂ ଭଦ୍ରକ ଭାମ୍ୟମାଣ ସ୍କ୍ୱାଡ ଭାରପ୍ରାପ୍ତ ଅଧିକାରୀ ଶ୍ରୀ ବ୍ରଜମୋହନ ମଲିକ ଓ ଷ୍ଟାଫମାନଙ୍କୁ ନେଇ ଗଠିତ ଏକ ସ୍ୱତନ୍ତ୍ର ଟିମ ଦ୍ୱାରା ଭଦ୍ରକ ଗ୍ରାମାଞ୍ଚଳ ଥାନା ଅନ୍ତର୍ଗତ ଯୋରଗଡିଆ,କଙ୍କରା ଗ୍ରାମ ଅଞ୍ଚଳରେ ଚଢାଉ କରାଯାଇ ମୋଟ ୫୦ ଲିଟର ଦେଶୀ ରନ୍ଧା ମଦ ଓ ୧ ବାଇକ୍ ଜବତ କରିବା ସହିତ ଏଥିରେ ସଂପୃକ୍ତ ଜଣକୁ ଗିରଫ କରାଯାଇଛି । ଘଟଣାସ୍ଥଳରେ ଜଣେ ଆସାମୀ ଫେରାର ହୋଇ ଯାଇଥିବା ସୂଚନା। ଗିରଫ ହୋଇଥିବା ବ୍ୟକ୍ତିର ନାମ ମହେଶ୍ୱର ବେହେରା ଓ ଫେରାର ହୋଇ ଯାଇଥିବା ଆସାମୀ ବାବୁଲି ଦେଉରିକୁ ଖୋଜୁଛି ପୁଲିସ । ଏହି ଘଟଣାରେ ଏକ ମାମଲା ରୁଜୁ କରାଯାଇ ଅସମୀକୁ କୋର୍ଟ ଚାଲାଣ କରାଯାଇଛି।