ବରଗଡ :- ଆଜି ଦୀପହରେ ବରଗଡ଼ ଜିଲ୍ଲା ପଦ୍ମପୁର ପାଇକମାଲ ବିଜୁ ଏକ୍ସପ୍ରେସ ୱେ ର ମଲଦା ଠାରେ ଏକ ମର୍ମନ୍ତୁଦ ସଡକ ଦୁର୍ଘଟଣା ଜଣେ ବ୍ୟକ୍ତି ର ମୃତ୍ୟୁ ହୋଇଯାଇଥିବା ଜଣା ପଡ଼ିଛି । ପ୍ରାପ୍ତ ସୂଚନା ଅନୁସାରେ ନୂଆପଡା ଜିଲ୍ଲା ଖରିଆର ରୋଡ଼ ର ଅବିଦ ହୁସେନ ନାମକ ଜଣେ ବ୍ୟକ୍ତି ଏକ ବଜାଜ ପଲସର ବାଇକରେ ସୋହେଲା ରୁ ଖରିଆର ରୋଡ଼ ଫେରୁଥିବା ବେଳେ ମଲଦା ଗ୍ରାମର ପୋଖରୀ ନିକଟରେ ସାମ୍ନା ପଟୁ ଏକ ଟ୍ରାକ୍ଟର ଆସି ଅବିଦ କୁ ଧକ୍କା ମାରିଥିଲା । ଆହତ ଅବିଦକୁ  ଆମ୍ବୁଲାନ୍ସ ଯୋଗେ ପଦ୍ମପୁର ଉପଖଣ୍ଡ ଡାକ୍ତରଖାନାକୁ ପଠେଇ ଦିଆଯାଇଥିଲା । ହେଲେ ଡାକ୍ତରଖାନାରେ ଡାକ୍ତର ଅବିଦକୁ ମୃତ ଘୋଷଣା କରିଥିଲେ । ଘଟଣାର ଖବର ପାଇବା ପରେ ପାଇକମାଲ ଥାନା ର ସବଇନ୍ସପେକ୍ଟର ଶ୍ରୀ ବିପିନ ବାଗ ପାଇକମାଲ ଥାନାରେ କେଶ ନମ୍ବର ୯୧/୨୧ ରୁଜୁ କରି ଶବ ବ୍ୟବଚ୍ଛେଦ କରାଇ ଶବକୁ ପରିବାର ଲୋକଙ୍କୁ ହସ୍ତାନ୍ତର କରିବା ସହିତ ଟ୍ରାକ୍ଟର କୁ ଜବତ କରିଥିବା ଜଣା ପଡ଼ିଛି ।