ବାରିପଦା(ଦିଲ୍ଲୀପ ମହାନ୍ତି )- କୋଭିଡ଼-୧୯ ଭୁତାଣୁରେ ଆକ୍ରାନ୍ତ ଥାଇ ଚିକିତ୍ସାଧୀନ ଅବସ୍ଥାରେ ବାରିପଦା ଫେମିଲି କୋର୍ଟ କର୍ମଚାରୀ ମୃତ ପ୍ରଭାତ ବେହେରାଙ୍କର ଗତ କାଲି ବିଳମ୍ବିତ ରାତିରେ ବାଙ୍କିଶୋଳସ୍ଥିତ କୋଭିଡ଼ ହସପିଟାଲରେ ମୃତ୍ୟୁ ହୋଇଥିବାର ଜଣାପଡ଼ିଛି । ତେବେ ଦିବଂଗର ଫେମିଲି କୋର୍ଟର କର୍ମଚାରୀ ପ୍ରଭାତ ଆସ୍ତେ ଆସ୍ତେ ସୁସ୍ଥ ହେବାରେ ଲାଗିଥିଲେ । ୨ ଦିନ ପରେ କୋଭିଡ଼ ହସପିଟାଲରୁ ଡ଼ିସଚାର୍ଯ୍ୟ ହୋଇ ଘରକୁ ଫେରିଥାନ୍ତେ । ଘରେ ସ୍ତ୍ରୀ, ପୁଅ ଓ ପରିବାରର ସଦସ୍ୟମାନେ ତାଙ୍କ ଫେରିବା ରାସ୍ତାକୁ ଅନାଇ ବସିଥିଲେ । ଏହି ସମୟରେ ଆଜି ସକାଳ ସମୟରେ ତାଙ୍କର ମୃତ୍ୟୁ ଖବର ପ୍ରଚାରିତ ହୋଇବା ପରେ ଏକ ଶୋକାକୋଳ ପରିବେଶ ସୃଷ୍ଟି ହୋଇଥିଲା । ପ୍ରଭାତଙ୍କର ହାର୍ଟ ଚୋକ୍ ହେବାରୁ ତାଙ୍କର ମୃତ୍ୟୁ ହୋଇଥିବାର କୁହାଯାଉଥିବା ସମୟରେ ଏହାକୁ ସାଙ୍ଗସାଥୀ ମହଲ ସହଜରେ ଗ୍ରହଣ କରିପାରି ନାହାନ୍ତି । ଜଣେ ସୁସ୍ଥ ଅବସ୍ଥାକୁ ଫେରି ଆସିଥିବା ବ୍ୟକ୍ତିର ହାର୍ଟ ଚୋକ୍ କରିବା ଉପରେ ପ୍ରଶ୍ନ ଉଠାଇବା ସହ ମୟୂରଭଞ୍ଜ ଜିଲ୍ଲା ପ୍ରଶାସନ ପକ୍ଷରୁ କୋଭିଡ଼ ପରିଚାଳନା ଉପରକୁ ମଧ୍ୟ ଅଙ୍ଗୁଳି ଉଠାଇଛନ୍ତି ।
