୭୪ କ୍ବିଣ୍ଟାଲ ମହୁଲଫୁଲ ସହ ଦୁଇ ପିକଅଫ ଭ୍ୟାନ ଜବତ, ତିନିଜଣ ଗିରଫ ।
ପଦ୍ମପୁର(ଶାସକପ୍ରଶାସକ)-ଅବକାରୀ ଅଧିକ୍ଷକ ପ୍ରଦୀପ କୁମାର ପଟ୍ଟନାୟକଙ୍କ ନିର୍ଦ୍ଦେଶ କ୍ରମେ ପଦ୍ମପୁର ଅବକାରୀ ଇନ୍ସପେକ୍ଟର କୁବେର ସେଠିଙ୍କ ପ୍ରତ୍ୟକ୍ଷ ତତ୍ବବଧାନରେ ଅବକାରୀ ବିଭାଗ ପକ୍ଷରୁ ବିଭିନ୍ନ ଯାଗାରେ ଚଢ଼ାଉ କରାଯାଇଛି । ଜଗଦଳପୁର ଥାନା ବୁକୁରାମୁଣ୍ଡା ଗ୍ରାମରେ ମହୁଲଫୁଲ ଚୋରାଚାଲାଣ ହେଉଥିବା ଖବର ପାଇ ଅବକାରୀ ବିଭାଗ ଚଢାଉ କରି ୨୪ କ୍ବିଣ୍ଟାଲ ମହୁଲଫୁଲ ବୋଝେଇ ହୋଇଥିବା ପିକଅଫ ଭ୍ୟାନ (OD-17J-4454)କୁ ଜବତ କରିବା ସହ ଡ୍ରାଇଭର ସୁଶାନ୍ତ ବାରିକ କୁ ଗିରଫ କରି ମହୁଲଫୁଲ ଓ ଗାଡି ଜବତ କରିଛନ୍ତି । ସେହିପରି ବୁଡେନ ଥାନା ବାଦିମାଲ ଗ୍ରାମରେ ମହୁଲଫୁଲ ଚୋରାଚାଲାଣ ସମୟରେ ୧୮ କ୍ବିଣ୍ଟାଲ ମହୁଲଫୁଲ ବୋଝେଇ ହୋଇଥିବା ପିକଅଫ ଭ୍ୟାନ(OD-17-S-6266) ସହ ଡ୍ରାଇଭର କେଶବ ନାଗକୁ ଗିରଫ କରି ମହୁଲଫୁଲ ଓ ଗାଡି ଜବତ କରିଛନ୍ତି । ସେହିପରି ବୁଡେନ ଥାନା ଭାଲୁଡୁଙ୍ଗୁରୀ ଗ୍ରାମର ମୁରଲୀ ମେହେର ବେଆଇନ ଭାବରେ ୩୫ କ୍ବିଣ୍ଟାଲ ମହୁଲଫୁଲ ଗଛ୍ଛିତ ରଖିଥିବାରୁ ଅବକାରୀ ବିଭାଗ ଚଢ଼ାଉ କରି ମହୁଲଫୁଲ ଜବତ କରିବା ସହ ମୁରଲୀ ମେହେରଙ୍କୁ ଗିରଫ କରିଛନ୍ତି । ପଦ୍ମପୁର ଅବକାରୀ ବିଭାଗ ପକ୍ଷରୁ ତିନିଗୋଟି ବିଭିନ୍ନ ଜାଗାରେ ଚଢ଼ାଉ କରି ୭୪ କ୍ବିଣ୍ଟାଲ ମହୁଲଫୁଲ ସହ ତିନିଜଣ ମହୁଲଫୁଲ ଚୋରାଚାଲାଣ କାରୀ ଓ ଦୁଇଗୋଟି ପିକଅଫ ଭ୍ୟାନ ଜବତ କରିଛନ୍ତି ଏବଂ କୋର୍ଟ ଚାଲାଣ କରିଛନ୍ତି। ଏହି ଚଢାଉରେ ପଦ୍ମପୁର ଅବକାରୀ ଏସିଆଇ ହେମକାନ୍ତ ସୁନା,ଏଏସଆଇ ରାଜକୁମାର ବେହେରା,ବିନୋଦ ତିର୍କୀ,ପ୍ରଶାନ୍ତ ବାଗ,ନମୋବତୀ ମଲ୍ଲିକ,ପ୍ରେମାନନ୍ଦ ବିଶ୍ବାଲ,ଅମିତ ଦୀପ,ସୁବାଶିନୀ ଭୋଇ ଓ ରାକେଶ ସାହୁ ସାମିଲ ଥିଲେ ।
