ଅଘଟଣ

ବରଗଡ :- ବରଗଡ଼ ଜିଲ୍ଲା ପଦ୍ମପୁର ଉପଖଣ୍ଡ ପାଇକମାଲ ବ୍ଲକ ଲହଙ୍ଗେର ଗ୍ରାମରେ ଆଜି ଦୀପହରେ ଏକ ମର୍ମନ୍ତୁଦ ସଡକ ଦୁର୍ଘଟଣା ଘଟି ଯାଇଛି । ପ୍ରାପ୍ତ ସୂଚନା ଅନୁସାରେ ଲହଙ୍ଗେର ଗ୍ରାମର ବିକ୍ରମ ପ୍ରଧାନ (25) ଓ ଈଶ୍ୱର ସେଠ (୩୯) ଉଭୟ ଏକ ବାଇକ ରେ ସାପଲହର ଆଡକୁ ଯାଉଥିବା ସମୟରେ ଭାରସାମ୍ୟ ହରାଇ ବାଇକ ଏକ ଗଛର ପିଟି ହୋଇଥିଲେ । ଫଳରେ ଘଟଣା ସ୍ଥଳରେ ଉଭୟ ଗୁରୁତର ଭାବରେ ଆହତ ହୋଇଥିଲେ । ଗ୍ରାମବାସୀ ମାନେ ଏହି ଘଟଣା ବାବଦରେ ଜଗଦଲପୁର ଥାନାକୁ ଜଣାଇବା ସହିତ ଆମ୍ବୁଲାନ୍ସ କୁ ଡାକି ଉଭୟ ଙ୍କୁ ପଦ୍ମପୁର ଡାକ୍ତରଖାନା କୁ ପଠାଇ ଦେଇଥିଲେ । ପଦ୍ମପୁର ରେ ଚିକିତ୍ସାଧୀନ ଅବସ୍ଥାରେ ଉଭୟଙ୍କର ମୃତ୍ୟୁ ହୋଇଯାଇଥିଲା । ଜଗଦଲପୁର ଥାନା ଅଧିକାରୀ ଙ୍କର ନିର୍ଦେଶରେ ଶ୍ରୀ ପ୍ରଦୀପ କୁମାର ପାଣି ଥାନାରେ ମାମଲା ରୁଜୁ କରି ଘଟଣାର ତଦନ୍ତ ଜାରି ରଖିଛନ୍ତି । ଶେଷ ସୂଚନା ଅନୁସାରେ ଶବ ବ୍ୟବଚ୍ଛେଦ ପରେ ସନ୍ଧ୍ୟା ସମୟରେ ଶବ ପରିବାର ଲୋକଙ୍କୁ ହସ୍ତାନ୍ତର କରାଯାଇଛି ।