ଝାରସୁଗୁଡ଼ା:(ସୁଭାଷ ସହାରେ)- କୋଇଲା ଚୋରା ଚାଲାଣ ଅଭିଯୋଗରେ ବଡ଼ମାଲ ପୋଲିସ ଆଜି ୯ ଜଣଙ୍କୁ ଗିରଫ କରିଥିବା ଜଣାପଡ଼ିଛି। ଏକ ଗୁପ୍ତ ସୂଚନା ପାଇ ପୋଲିସ ଏକ ଚଢ଼ାଉ କରି ୯ ଜଣଙ୍କୁ ଉକ୍ତ ଅଭିଯୋଗରେ ଗିରଫ କରିଛି। ଏହାସହ ପୋଲିସ ସେମାନଙ୍କଠାରୁ ୨ କୁଇଣ୍ଟାଲ କୋଇଲା ଓ ୯ଟି ମୋଟର ସାଇକେଲ ମଧ୍ୟ ଜବତ କରିଛି। ସମସ୍ତଙ୍କ ନାମରେ ବଡ଼ମାଲ ଥାନାରେ କେସ ନମ୍ବର ୫୬/୨୧ରେ ମାମଲା ରୁଜୁ କରି ୩୭୯/୪୧୧/୩୪ ଧାରାରେ ପୋଲିସ ସମସ୍ତ ଅଭିଯୁକ୍ତଙ୍କୁ କୋର୍ଟ ଚାଲାଣ କରିଛି । ଅଭିଯୁକ୍ତଙ୍କ ନାମ ଓ ଠିକଣା ଏପର୍ଯ୍ୟନ୍ତ ଜଣା ପଡ଼ିନାହିଁ।