ରେଢ଼ାଖୋଲ ( ଅନିଲ କୁମାର ପୃଷ୍ଟି ):  ସମ୍ବଲପୁର ଜିଲ୍ଲା କଦଳୀଗଡ ପଞ୍ଚାୟତ ଧ‌ଉରାଖମଣ ନିକଟ ନର୍ସରୀ ନିକଟରେ ଅଜଣା ଗାଡ଼ି ଧକ୍କାରେ ଯୁବକଙ୍କ ମୃତ୍ୟୁ ହୋଇଥିବା ଜଣାପଡିଛି ସୂଚନାଯୋଗ୍ୟ ଯେ କନ୍ଧରା ଗ୍ରାମର ସନ୍ତୋଷ କର୍ମୀ ସୋନପୁର ଜିଲ୍ଲା ମୁରଷୁଣ୍ଢି ଗ୍ରାମକୁ ଏକ ବିବାହ ଭୋଜି ଖାଇବାକୁ ଯାଇଥିଲେ , ଭୋଜି ଖାଇ ଫେରୁଥିବା ବେଳେ ଏକ ଅଜଣା ଗାଡ଼ି ଧକ୍କାରେ , ବିଷିପାଲିରୁ ସୋନପୁର ରାସ୍ତାର ଧ‌ଉରାଖମଣ ନର୍ସରୀ ଠାରେ ଦୁର୍ଘଟଣାଗ୍ରସ୍ତ ହୋଇ ମୃତ୍ୟୁ ହୋଇଥିବା ଜଣାପଡିଛି, କନ୍ଧରା ଗାଁର ହରିବଲ୍ଲଭ କର୍ମୀଙ୍କ ୨୨ ବର୍ଷୀୟ ଏକମାତ୍ର ପୁତ୍ର ସନ୍ତୋଷ କର୍ମୀ ଙ୍କ ମୃତ ଖବର ଶୁଣି ଅଞ୍ଚଳରେ ଶୋକର ଛାୟା ଖେଳିଯାଇଛି । ଘଟଣାସ୍ଥଳକୁ ପୋଲିସ ପହଂଚି ତଦନ୍ତ ଆରଂଭ କରିଛି ।