କଳାହାଣ୍ଡି/ତୁଳମଣି ନାଗ (ଶାସକ ପ୍ରଶାସକ) ଗୋଲାମୁଣ୍ଡା ଥାନା ଅନ୍ତର୍ଗତ ଡଙ୍ଗରିଗୁଡ଼ା ଛକ ନିକଟ ମୋଡରାସ୍ତାରେ OR- 08- C-9153 ନମ୍ୱର୍ ଜୟ ଜଗନ୍ନାଥ ବସ୍ ଓ ମୋଟର ସାଇକେଲ ମୁହାମୁହି ଧକ୍କା ହେବା ଫଳରେ ଘଟଣାସ୍ଥଳରେ ଦୁଇ ଜଣଙ୍କ ମୃତ୍ୟୁ ଘଟିଥିବା ଖବର ହସ୍ତଗତ ହୋଇଛି | ଜଣକୁ ଗୁରୁତର ଅବସ୍ଥାରେ ଧର୍ମଗଡ଼ ହସ୍ପିଟାଲ୍ ରେ ଭର୍ତ୍ତି କରାଯାଇଥିଲା ବେଳେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିବା ଜଣାପଡିଛି |
ସୂଚନା ଅନଯାୟୀ ଚପ୍ରିଆ ପଞ୍ଚାୟତ ଅନ୍ତର୍ଗତ ତୁରେଛଡ଼ା ଗାଁର କୃଷ୍ଣଚନ୍ଦ୍ର ବାଗ (୪୦) ତାଙ୍କ ସ୍ତ୍ରୀ ସୁକେଶି ବାଗ (୩୭) ଓ ନାବାଳିକା ଝିଅ ସୁପ୍ରିଆ ବାଗ ଏକ ବାଇକ୍ ଯୋଗେ ଗୋଳମୁଣ୍ଡା ଥାନା ଅନ୍ତର୍ଗତ ଲିଟିଗୁଡା ଗାଁ କୁ ଏକ ବିବାହ ଭୋଜି ଖାଇ। ନିଜ ଗାଁ କୁ ଫେରୁଥବା ସମୟରେ ଡ଼ଙ୍ଗରିଗୁଡା ଛକ ନିକଟରେ OR-08-C-୯୧୫୩ ନମ୍ୱର୍ ଥିବା ଜୟ ଜଗନ୍ନାଥ ନାମକ ଏକ ଘରୋଇ ବସ ବାଇକ୍ କୁ ଧକ୍କା ଦେଇ ସେମାନଙ୍କ ଉପରେ ଚଢି ଯାଇଥିଲା। ଯାହା ଫଳରେ ଘଟଣା ସ୍ଥଳରେ ସ୍ବାମୀସ୍ତ୍ରୀଙ୍କ ମୃତ୍ୟୁ ଘଟିଥିବା ବେଳେ ଗୁରୁତର ଆହତ ଅବସ୍ଥାରେ ନାବାଳିକା ଝିଅକୁ ଧର୍ମଗଡ ଉପଖଣ୍ଡ ଚିକିତ୍ସାଳୟରେ ଭର୍ତ୍ତି କରାଯାଇଥିଲା ତେବେ ଡାକ୍ତର ତାଙ୍କୁ ମୃତ ଘୋଷଣା କରିଥିବା ଘଟଣା ସ୍ଥଳକୁ ପୋଲିସ୍ ପହଞ୍ଚି ବସ୍ ଡ୍ରାଇଭର କୁ ଅଟକ ରଖି ଥିବା ସୂଚନା ଦେଇଛନ୍ତି ଗୋଲାମୁଣ୍ଡା ଥାନା ଅଧିକାରୀ ଜୁଗଳ ଶବର।
