ପଦ୍ମପୁର-ଗ୍ୟାସ ସିଲିଣ୍ଡର ଫାଟି ନିଆଁ ଲାଗିଲା,ଅଳ୍ପକେ ବର୍ତିଲେ ପରିବାର । ପଦ୍ମପୁର ଉପଖଣ୍ଡ ବୁଡେନ ଥାନା ଅନ୍ତର୍ଗତ ବିଜାମାଲ ଗ୍ରାମର କୈଳାଶ ପାଣ୍ଡେଙ୍କ ପରିବାର ଏକ ବଡ଼ ଅଘଟଣରୁ ବର୍ତି ଯାଇଛନ୍ତି । ଆଜି ସକାଳୁ ଜଳଖିଆ ତିଆରି କରିବା ସମୟରେ ଗ୍ୟାସ ସିଲିଣ୍ଡରରେ ନିଆ ଲାଗିଯାଇଥିଲା ଏବଂ ହୁହୁ ନିଆଁ ଜଲିବା ସହିତ ଗ୍ୟାସ ସିଲିଣ୍ଡର ଫାଟି ଯାଇଥିଲା । ପରିଲୋକଙ୍କ ସତର୍କତା ଯୋଗୁଁ କୌଣସି ବ୍ୟକ୍ତିଙ୍କ କ୍ଷୟକ୍ଷତି ହୋଇନାହିଁ ।
ସୂଚନା ଅନୁସାରେ କୈଳାଶ ପାଣ୍ଡେଙ୍କ ସ୍ତ୍ରୀ ମହରଗୀ ପାଣ୍ଡେ ସୁମିତ୍ରା ଭାରତ ଗ୍ୟାସ ଗ୍ରାମୀଣ ବିତରକ ଜୁରିଆ ଠାରୁ ରନ୍ଧନ ଗ୍ୟାସର ସଂଯୋଗ ନେଇଛନ୍ତି । ହେଲେ ଏହି ବିତରକ ଟି ଜିଲ୍ଲା ବାହାରର ହୋଇଥିବା କାରଣରୁ ଠିକ ଭାବେ ସେବା ଯୋଗାଇ ପାରୁନାହିଁ । ଗ୍ୟାସ ସିଲିଣ୍ଡର ଦେବା ସମୟରେ ତାହା ଯାଞ୍ଚ ହେଉନାହିଁ ଫଳରେ ଏଭଳି ଅଭାବନୀୟ ଘଟଣା ଘଟୁଛି । କିଛି ଗ୍ୟାସ ବିତରକ ନିଜ ଟାର୍ଗେଟ ପୂରଣ ପାଇଁ ପାଖ ଜିଲ୍ଲାର ଲୋକଙ୍କୁ ଜୋର ଜବରଦସ୍ତ କାଗଜପତ୍ର ନେଇ ଗ୍ୟାସ ସଂଯୋଗ ଦେଉଛନ୍ତି ହେଲେ ସେବା ଯୋଗାଇବାରେ ବିଫଳ ହେଉଛନ୍ତି । ଏଭଲି ଅବ୍ୟବସ୍ଥା କାରଣରୁ ଲୋକଙ୍କ ଜୀବନପ୍ରତି ବିପଦ ରହୁଛି । ସ୍ଥାନୀୟ ଯୋଗାଣ ଅଧିକାରୀ ଏଥିପ୍ରତି ଧ୍ୟାନ ଦେବା ପାଇଁ ସାଧାରଣରେ ଦାବୀ ହେଉଛି ।
