ମାଲକାନଗିରି (ବି ଶ୍ରୀନିବାସ ପାତ୍ର) : ପେଡାକୋଣ୍ଡା ପଂଚାୟତ ନିକଟ ଏମଭି ୮୭ ଗ୍ରାମ ଅଞ୍ଚଳରୁ ଏକ ମୁଣ୍ଡ ବିହୀନ ମୃତଦେହ ଉଦ୍ଧାର ହୋଇଛି । ମୃତ ଯୁବକ ଜଣକ ସ୍ଥାନୀୟ ଅଞ୍ଚଳର ହୋଇଥିବା ଜଣାପଡିଛି । ତେବେ ଯୁବକଙ୍କୁ କିଏ, କେମିତି ଏବଂ କେଉଁ କାରଣରୁ ଏଭଳି ବିଭତ୍ସ ହତ୍ୟା କରିଛି ସେନେଇ କିଛି ସ୍ପଷ୍ଟ ହୋଇନାହିଁ । ଆଜି ସକାଳେ ମାଲକାନଗିରି ଜିଲ୍ଲା ଏମଭି ୮୭ ଅଞ୍ଚଳର କିଛି ଲୋକ  ରାସ୍ତାକଡ଼ରେ ଥିବା ଏକ ଚାଷଜମିରୁ ଜଣେ ଯୁବକଙ୍କ ମୁଣ୍ଡବିହୀନ ମୃତଦେହ ଦେଖିବା ପରେ   ସ୍ଥାନୀୟ ଲୋକେ ପୋଲିସକୁ ଖବର ଦେଇଥିଲେ । ଖବର ପାଇ ମାଲକାନଗିରି ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହ ଜବତ କରି ତଦନ୍ତ ଆରମ୍ଭ କରିଛି । ତେବେ କେହି ଦୁର୍ବୃତ୍ତ ଯୁବକଙ୍କ ମୁଣ୍ଡ କାଟି ହତ୍ୟା କରିଥିବା ଜଣାପିଡିଛି । ମୃତକ ଜଣକ ହେଲେ ମାଲକାନଗିରି ଥାନା ଅନ୍ତର୍ଗତ ଏମଭି ୮୭ ଗ୍ରାମର ଲଛୁ କବାସୀ ଭାବେ ଗ୍ରାମବାସୀ ଙ୍କ ଦ୍ଵାରା ଚିହ୍ନଟ ହୋଇଛି ।