ବରଗଡ :- ବରଗଡ ଜିଲ୍ଲା ପାଇକମାଲ ଥାନା ଅନ୍ତର୍ଗତ ଟେମରି ଗ୍ରାମର ଅନାଦି ବାରିହାଙ୍କର ସ୍ତ୍ରୀ ବିଲସିନୀ ବରିହା( ୪୫)ଙ୍କର ମୃତଦେହ ସେ କାମ କରୁଥିବା ଏକ ବିଲରୁ   ( ଯେଉଁଠି ଉଭୟ ପତି ପତ୍ନୀ ଇଟା ତିଆରି କରୁଥିଲେ ) ଉଦ୍ଧାର କରାଯାଇଛି । ମୃତ ଦେହରେ କିଛି କ୍ଷତ ଥିବାର ମଧ୍ୟ ଦେଖିବାକୁ ମିଳିଛି । ପାରିପାର୍ଶ୍ବିକ ସ୍ଥିତି ଦେଖିଲେ ଜଣା ପଡ଼ିଛି ଯେ ଉଭୟ ସ୍ୱାମୀ ସ୍ତ୍ରୀ ରାତିରେ ପ୍ରଚୁର ମଦ୍ୟ ପାନ କରିଥିଲେ । ଆଖପାଖରେ ଦେଶୀ ମଦର ଜରି ପଡିଥିବା ମଧ୍ୟ ଦେଖାଯାଇଛି । ମୃତ୍ୟୁ ର ପ୍ରକୃତ କାରଣ ଶବ ବ୍ୟବଚ୍ଛେଦ ହେବା ପରେ ଜଣା ପଡିବ ନିଶ୍ଚୟ କିନ୍ତୁ ଅତ୍ୟଧିକ ମଦ୍ୟପାନ କାରଣରୁ ମହିଳାଙ୍କ ମୃତ୍ୟୁ ହୋଇଥାଇ ପାରେ ବୋଲି ଶୁଣିବାକୁ ମିଳୁଛି । ପାଇକମାଲ ପାଲିସ ତଥା ପଦ୍ମପୁର ଉପଖଣ୍ଡ ପୋଲିସ ଅଧିକାରୀ ଶ୍ରୀ ପ୍ରଦୀପ କୁମାର ସାହୁ ଘଟଣା ସ୍ଥଳରେ ପହଞ୍ଚି ଥିବା ବେଳେ ଗ୍ରାମବାସୀ ମାନେ ଗାଁ ରେ ପ୍ରଚୁର ପରିମାଣରେ ଅବୈଧ ମଦ ତଥା କୋରେକ୍ସ ଖୋଲାଖୋଲି ଭାବରେ ବିକ୍ରି ହେଉଥିବା ଓ ଜଣେ କୋରେକ୍ସ ବ୍ୟବସାୟୀ ଙ୍କର ଘରୁ କିଛି କୋରେକ୍ସ , ବ୍ୟବହୃତ ନିଶା ଇଂଜେକସନ SDPO ଙ୍କୁ ପ୍ରମାଣ ସ୍ୱରୂପ ଦେଖାଇଛନ୍ତି ।