ବୀରମହାରାଜପୁର - (ଉପଖଣ୍ଡ ପ୍ରତିନିଧି ବିନୋଦ ପାଣ୍ଡେ ): ସୁବର୍ଣ୍ଣପୁର ଜିଲ୍ଲା ଉଲୁଣ୍ଡା ଥାନା ଅନ୍ତର୍ଗତ ଝାରବାହାଲି ଗ୍ରାମରେ ମାଛ ଧରିବାକୁ ଯାଇଥିବା ବେଳେ ଜଣେ ଯୁବକ ପାଣିରେ ବୁଡି ମୃତ୍ୟୁ ହୋଇଥିବା ଜଣାପଡିଛି  । ସୂଚନା ମୁତାବକ  ମୃତ ଯୁବକ ଜଣକ ଝାରବାହାଲି ଗ୍ରାମର ରଞ୍ଜିତ ନେଟୀ (୨୬) । ରଞ୍ଜିତ ସକାଳୁ ନିଜ ଗାଁରେ ଥିବା ରୁଗୁଡିମୁଡା ପୋଖରୀକୁ ମାଛ ଧରିବାକୁ ଯାଇଥିଲେ । ମାତ୍ର ଅପରାହ୍ନ ସମୟ ପର୍ଯନ୍ତ ଘରକୁ ଫେରିନଥିବା ବେଲେ ପାଣିରେ ମୃତଦେହ ଭାସୁଥିବା କିଛି ଲୋକ ଦେଖିବାକୁ ପାଇଥିଲେ । ପରେ ତାଙ୍କୁ ଉଦ୍ଧାର କରାଯାଇ ସୁବର୍ଣ୍ଣପୁର ଜିଲା ମୁଖ୍ୟ ଚିକିତ୍ସାଳୟକୁ ନିଆଯାଇଥିବା ବେଲେ ଡାକ୍ତର ମୃତ ଘୋଷଣା କରିଥିଲେ ।ତେବେ  ରଞ୍ଜିତଙ୍କ ପରିବାରରେ ତାଙ୍କର ସ୍ତ୍ରୀ ସମତେ ୩ ମାସର ଏକ ଶିଶୁ କନ୍ୟା ରହିଥିବା ଜଣାପଡ଼ିଛି ।