ବୀରମହାରାଜପୁର(ବିନୋଦ ପାଣ୍ଡେ ): ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ଥାନା ଅନ୍ତର୍ଗତ ଲାତୁରପେଟରେ ଗ୍ରାମ ନିକଟସ୍ଥ ଏକ ଆମ୍ବ ବଗିଚାରୁ ଗତ ରବିବାର ସନ୍ଧ୍ୟା ରେ ଜଣେ ବିବାହିତା ମହିଳାଙ୍କ ଶୁଭ୍ରକାନ୍ତି ଭୋଇ (୩୬)ଙ୍କ ମୃତ ଦେହ ଉଦ୍ଧାର ହୋଇଥିଲା । ମହିଳାଙ୍କ ବେକରେ ରଶି ଲାଗିଥିବାରୁ ଘଟଣାଟି ଆତ୍ମହତ୍ଯା କରିଥିବା ସନ୍ଦେହ କରି ପୋଲିସ ପକ୍ଷରୁ ଏକ ଅପମୃତ୍ୟୁ ମାମଲା ରୁଜୁ କରିଥିଲେ । ଆଜି ମୃତ ମହିଳାଙ୍କ ପିତା ଅଇଁଠୁ ନାଏକ ଓ ସ୍ଵାମୀ ମଧୁସୂଦନ ଭୋଇ ମହିଳାଙ୍କୁ କେହି ଦୁର୍ବୃତ୍ତ ଦୁଷ୍କର୍ମ ପରେ ହତ୍ୟା କରି ବେକରେ ରଶି ଲଗାଇ ଆତ୍ମହତ୍ୟାର ରୂପ ଦେଖାଇ ଫିଙ୍ଗି ଦେଇଥିବାର ସନ୍ଦେହ ପ୍ରକାଶ କରି ଥାନାରେ ଲିଖିତ ଆକାରରେ ଅଭିଯୋଗ କରିଛନ୍ତି । ବୀରମହାରାଜପୁର ପୋଲିସ ଏହି ଘଟଣାର ଅଧିକ ତଦନ୍ତ ଜାରି ରଖିଛି ।