ଭଞ୍ଜନଗର ( ନିଲୁ ବିଷୋୟୀ ) - ଭଞ୍ଜନଗର ବ୍ଲକ ଅନ୍ତର୍ଗତ ହରିଗଡ ପଞ୍ଚାୟତର ଗୋଳାବନ୍ଧ ଗ୍ରାମରେ ମଙ୍ଗଳବାର ମଧ୍ୟ ରାତ୍ରି ରେ  ଅଗ୍ନିକାଣ୍ଡଘଟି ୫ ପରିବାରର ଘର ସମ୍ପୂର୍ଣ୍ଣ ପୋଡି ପାଉଁଶ ହୋଇଯାଇଛି। ମିଳିଥିବା ସୂଚନା ମୁତାବକ ମଙ୍ଗଳବାର ମଧ୍ୟ ରାତ୍ରିରେ ସମସ୍ତେ ଶୋଇଥିବା ସମୟରେ କୈଣସି ଏକ ଘର ନିଆଁ ଲାଗିଯାଇଥିଲା। କ୍ଷଣିକ ମଧ୍ୟରେ ଅନ୍ୟ ପରିବାର ଘରକୁ ଉକ୍ତ ନିଆ ବ୍ୟାପି ଯିବା ଫଳରେ ୫ ପରିବାରଙ୍କଘରେ ଥିବା ଘର ସରଜାମ ,ଲୁଗାପଟା ଧାନ ଚାଉଳ ପୋଡିବା ସହ ଟଙ୍କା ଓ ସୁନା ମଧ୍ୟ ପୋଡିଯାଇଯାଇଛି। ଅଗ୍ନିକାଣ୍ଡଟି ଅତିଭୟଙ୍କର ଥିଲା ଯେ ଗ୍ରାମବାସୀମାନେ ନିଆଁକୁ ଆୟତ କରିବାରେ ସଫଳ ହେଇନଥିଲେ । ଖବର ପାଇ ସଙ୍ଗେସଙ୍ଗେ ଭଞ୍ଜନଗର ଅଗ୍ନିଶମ ବାହିନୀ ପହଂଚି ନିଆଁକୁ ଆୟତ୍ତ କରିଥିଲେ। ତେବେ ଏହି  ଅଗ୍ନିକାଣ୍ଡ କେମିତି ଘଟିଛି ଏହାର ପ୍ରକୃତ କାରଣ ଜଣାପଡି ନାହିଁ । ଅଗ୍ନିକାଣ୍ଡଟି ସଟ୍ ସର୍କିଟ ଘଟିଥିବା ଅନୁମାନ କରାଯାଉଛି। ଅପରପକ୍ଷରେ ରାଜସ୍ୱ ବିଭାଗର କର୍ମଚାରୀ ମାନେ ପହଞ୍ଚି କ୍ଷୟକ୍ଷତିର ଆକଳନ କରି ବିପନ୍ନ ମାନଙ୍କୁ ପଲିଥିନ ଯୋଗାଇ ଦେଇଛନ୍ତି। ତୁରନ୍ତ ଆବଶ୍ୟକୀୟ ସରକାରୀ ସହାୟତା ଯୋଗାଇଦେବାକୁ ଗ୍ରାମବାସୀ ଦାବି କରିଛନ୍ତି