ସମ୍ବଲପୁର,(ରମାକାନ୍ତ ବିଶ୍ବାଳ) - ଅଇଁଠାପାଲି ନିବାସୀ ପୂର୍ବତନ ଭିଜିଲାନ୍ସ ଡିଏସପି ଜି ନାଗେଶ୍ୱର ରାଓଙ୍କ ଗତକାଲି ମଧ୍ୟ ରାତ୍ରିର ବାରଟା ସମୟରେ ଦେହାନ୍ତ ହୋଇଯାଇଛି | ବାର୍ଦ୍ଧକ୍ୟ ଜନିତ ଅସୁସ୍ଥତା ଯୋଗୁଁ ସେ ଗତ କିଛିଦିନ ହେବ ଶଯ୍ୟାଶାୟୀ ଥିଲେ । ମୃତ୍ୟୁ ବେଳକୁ ତାଙ୍କୁ ୭୯ ବର୍ଷ ହେଉଥିଲା । ୬ ମାସ ପୂର୍ବେ ଗତବର୍ଷ ଜୁଲାଇ ମାସରେ ତାଙ୍କ ପତ୍ନୀଙ୍କ ବିୟୋଗ ହୋଇଥିଲା । ଆଜି ପୂର୍ବାହ୍ନ ୯ ଟାରେ ସ୍ଥାନୀୟ ରାଜଘାଟରେ ତାଙ୍କ ଶେଷକୃତ୍ୟ ସମ୍ପର୍ଣ୍ଣ ହୋଇଥିଲା ।ତାଙ୍କ ସାନପୁଅ ଜି ଗୌରୀଶଙ୍କର ମୁଖାଗ୍ନି ଦେଇଥିଲେ | ଏହିସମୟରେ ସହରର ବହୁ ମାନ୍ୟଗଣ୍ୟ ବ୍ୟକ୍ତି ଉପସ୍ଥିତ ରହି ତାଙ୍କ ଶେଷଦର୍ଶନ କରିଥିଲେ | ଜଣେ ଦକ୍ଷ ପୋଲିସ ଅଧିକାରୀଭାବେ ପୋଲିସ ଓ ଭିଜିଲାନ୍ସ ବିଭାଗରେ କାର୍ଯ୍ୟକରି ଅବିଭକ୍ତ ସମ୍ବଲପୁର ଜିଲ୍ଲାରେ ବେଶ ପରିଚିତ ଥିଲେ । ଚାକିରୀ ଜୀବନରେ ସେ ଜଣେ କର୍ତବ୍ୟନିଷ୍ଠ ଓ ସଚ୍ଚୋଟ ପୋଲିସ ଅଧିକାରୀଭାବେ କାର୍ଯ୍ୟକରି ୨୦୦୧ରେ ଅବସର ଗ୍ରହଣ କରିଥିଲେ । ତାଙ୍କ ବିୟୋଗରେ ଅଇଁଠାପାଲି ପ୍ରଗତି ବିହାର ଅଂଚଳରେ ଶୋକର ଛାୟା ଖେଳିଯାଇଛି ।
