ବରଗଡ :- ବରଗଡ ଜିଲ୍ଲା ପାଇକମାଲ ବ୍ଲକ କାଂଶଡ଼ା ପଞ୍ଚାୟତ ଢେଙ୍କିମୁଣ୍ଡା (ଚୁହୁରୀପଡା) ଗ୍ରାମର ଗ୍ରାମର ମହିଳା ମଲ୍ଲିକ ନାମକ ଜଣେ ଅବିବାହିତା ବୃଦ୍ଧା ଙ୍କର ନିଆଁ ରେ ପୋଡି ମୃତ୍ୟୁ ହୋଇଯାଇଛି । ଗ୍ରାମବାସୀ ଙ୍କର ସୂତ୍ରରୁ ମିଳିଥିବା ସୂଚନା ଅନୁସାରେ ଗତ ରାତିରେ ମହିଳା ଶୀତ ଦାଉରୁ ରକ୍ଷା ପାଇବା ପାଇଁ ଶୋଇଥିବା ଖଟ ତଳେ ଅଙ୍ଗରା   ଜାଲିଥିଲେ । ସେ ସୋଇଥିବା ଖଟଟି କାଠର ହୋଇଥିବା କାରଣରୁ ଓ ମହିଳା ଙ୍କର ଅସାବଧାନତା କାରଣରୁ  ଖଟରେ ନିଆଁ ଲାଗି ଯାଇଥିଲା ଓ ସେହି ନିଆରେ ପୋଡି ମହିଳାଙ୍କର ମୃତ୍ୟୁ ହୋଇଯାଇଥିବା ଅନୁମାନ କରାଯାଉଛି । ଏଠାରେ ଉଲ୍ଲେଖଯୋଗ୍ୟ ଯେ ମହିଳା ଙ୍କର ଛୁଆପିଲା କେହି ନାହାନ୍ତି । ତାଙ୍କର ସାନ ଭଉଣୀ ଓ ଭଉଣୀ ଜୋଇଁ ତାଙ୍କର ଭଲମନ୍ଦ ବୁଝୁଥିଲେ । ପାଇକମାଲ ଥାନା ଅଶିକାରୀ ଙ୍କର ନିର୍ଦେଶ ମତେ ପାଇକମାଲ ଥାନାରେ ଅପମୃତ୍ୟ ମାମଲା ନମ୍ଭର 1/21 ରୁଜୁ କରାଯାଇ ଶବ ବ୍ୟବଚ୍ଛେଦ କରିବା ପାଇଁ ପଦ୍ମପୁର ଉପଖଣ୍ଡ ଚିକିତ୍ସାଲୟ କୁ ପଠାଇ ପୋଲିସ ଘଟଣାର ତଦନ୍ତ କରୁଥିବା ପାଇକମାଲ ଥାନା ଅଧିକାରୀ ବିଶ୍ୱଜିତ ମନବୋଧ କହିଛନ୍ତି ।