ନାବାଳିକାର କ୍ଷତାକ୍ତ ଶବ ଉଦ୍ଧାର
ବରଗଡ :- ବରଗଡ ଜିଲ୍ଲା ପାଇକମାଲ ଥାନା ଅନ୍ତର୍ଗତ ଭୁବନେଶ୍ୱର ଗ୍ରାମପଞ୍ଚାୟତ ର ଯୋଗେନ୍ଦ୍ର ନାଥ ପୁର ଗ୍ରାମ ନିକଟସ୍ଥ ପତ୍ରାରୁ ଜଣେ ନଅ ବର୍ଷୀୟ ଝିଅର କ୍ଷତାକ୍ତ ମୃତଦେହ ଦେଖିବାକୁ ମିଳିଛି । ଏଠାରେ ସୂଚନାଯୋଗ୍ୟ ଯେ ଗତ କାଲି ଗ୍ରାମର ରାଜେନ୍ଦ୍ର ପାଣ୍ଡେ ନାମକ ଜଣେ ଲୋକଙ୍କ ଝିଅ ସନ୍ଧ୍ୟା ପ୍ରାୟ ଚାରିଟା ସମୟରୁ ଘରୁ ନିଖୋଜ ଥିଲା । ଖୋଜାଖୋଜି କରି ଝିଅକୁ ନ ପାଇବାରୁ ପାଇକମାଲ ଥାନାରେ ଅଭିଯୋଗ ମଧ୍ୟ କରାଯାଇଥିଲା । ପୋଲିସ ଖବର ପାଇବା ପରେ ଝିଅକୁ ଖୋଜିବା ପ୍ରୟାସ ରାତିରୁ ଆରମ୍ଭ କରିଦେଇଥିଲା । ହେଲେ ଆଜି ଝିଅଟିର ଶବ ଗ୍ରାମବାସୀ ମାନେ ଦେଖି ଥାନାକୁ ଖବର ଦେଇଥିଲେ । ଘଟଣା ସ୍ଥଳକୁ ପୋଲିସ ବିଭାଗର ଅଧିକାରୀ ମାନେ ପହଂଛିବାରେ ଲାଗିଛନ୍ତି । ଘଟଣାର ତଦନ୍ତ ପରେ ମୃତ୍ୟୁ ର ସଠିକ କାରଣ ଜଣା ପଡିବ ।
