ବାରିପଦା(ଦିଲ୍ଲୀପ ମହାନ୍ତି)- ଆମ ମୟୂରଭଞ୍ଜ ଞ୍ଜ ଅଟୋ ଆସୋସିଏସନର ସାଧାରଣ ସମ୍ପାଦକ ତଥା ଯୁବ ସଙ୍ଗଠକ ଅନିରୁଦ୍ଧ ମହଲାଙ୍କର ଅକାଳ ବିୟୋଗ ହୋଇଛି । ଭୂବନେଶ୍ୱରସ୍ଥିତ ଏକ ଘରୋଇ ହସପିଟାଲରେ ଚିକିତ୍ସାଧୀନ ଅବସ୍ଥାରେ ତାଙ୍କର ମୃତ୍ୟୁ  ଘଟିଛି । ଭୂବନେଶ୍ୱରରୁ ଆଜି ତାଙ୍କର ମର ଶରୀର ବାରିପଦାଠାରେ ପହଁଞ୍ଚିବା ପରେ ସ୍ଥାନୀୟ ବେଲଗଡ଼ିଆ ଶ୍ମଶାନରେ ଶେଷକୃତ ସମ୍ପନ୍ନ ହୋଇଥିବା ସମୟରେ ତାଙ୍କର ଏକମାତ୍ର ପୁତ୍ର ମୁଖାଗ୍ନି ଦେଇଥିଲେ । ସେ ଆମ ମୟୂରଭଞ୍ଜ ଅଟୋ ଆସୋସିଏସନର ସାଧାରଣ ସମ୍ପାଦକ ଥାଇ ରକ୍ତ ଦାନ ଶିବିର, ପରିବେଶ ସୁରକ୍ଷା, ବୃକ୍ଷ ରୋପଣ, ନିଶା ନିବାରଣ ଅଭିଯାନ ଆଦି ଅନେକ ଜନହିତକର କାର୍ଯ୍ୟ ସହିତ ଜଡ଼ିତ ରହିଥିଲେ । ଏଥି ସହିତ ଜଣେ ଶାନ୍ତ, ସରଳ, ମେଳାପି ଓ ଯୁବ ସଙ୍ଗଠକ ଭାବେ ଖ୍ୟାତି ଅର୍ଜନ କରିଥିଲେ । ତାଙ୍କ ବିୟୋଗରେ ଆମ ମୟୂରଭଞ୍ଜ ଅଟୋ ଆସୋସିଏସନର ସଭାପତି ତଥା ଓଡ଼ିଶା କୃଷି ଶିଳ୍ପ ନିଗମ ଅଧ୍ୟକ୍ଷ ଦେବାଶିଷ ମହାନ୍ତି ଗଭୀର ଶୋକ ବକ୍ତ କରିବା ସହିତ ଶୋକ ସନ୍ତପ୍ତ ପରିବାର ସଦସ୍ୟମାନଙ୍କୁ ସମବେଦନା ଜଣାଇଥିଲେ ।