ବରଗଡ :- ଆଜି ମଧ୍ୟରାତ୍ରି ପ୍ରାୟ ଦୁଇ ଘଣ୍ଟା ସମୟରେ ବରଗଡ଼ ଜିଲ୍ଲା ପାଇକମାଲ ବ୍ଲକ ସରେଇକେଲା ଗ୍ରାମପଞ୍ଚାୟତ ଵୈତାଳଭଟା ଗ୍ରାମର ସୁରେଖା ପ୍ରଧାନ ଙ୍କର ଘର ଉପରେ ଏକ ସେସୁଆଁ ଗଛ ପଡି ତାଙ୍କର ଦୁଇ ବଖରା ଘର ସମ୍ପୂର୍ଣ୍ଣ ଭାବରେ ଭାଙ୍ଗି ଯାଇଛି । ପ୍ରତକ୍ଷ ଦର୍ଶୀଙ୍କର କହିବା ମୁତାବକ ଗତ କାଲି ସେହି ଗଛ ମୂଳରେ ଜଣେ ପିଲା ଖଳିଦନା ପଡିଥିଲା । ଯାହା ଫଳରେ ଗଛରେ ନିଆଁ ଲାଗି ଯାଇଥିଲା । ଗଛରେ ନିଆଁ ଲାଗିଯିବାରୁ ଦମକଳ ଅଫିସ କୁ ଫୋନ କରି ଡାକିଥିଲେ । ରାତି ୭ଟା ସମୟରେ ଦମକଳ ଗାଡି ଆସି ନିଆଁ ଲିଭେଇ ଯାଇଥିଲା । ହେଲେ ପୁନର୍ବାର ଗଛରେ ନିଆଁ ଲାଗି ଯାଇଥିଲା । ଏହାପରେ ପୁଣି ରାତି ନଅଟା ସମୟରେ ଗାଡି ଆସି ନିଆଁ ଲିଭେଇଥିଲା । ନିଆଁ ଲାଗିଥିବା ଗଛଟିର ଭିତରେ ପୋଲ ଥିବାରୁ ନିଆଁ ଭିତରେ ଭିତରେ କୁହୁଲୁଥିଲା । ଯାହା ଫଳରେ ପୁଣି ରାତିରେ ଗଛରେ ନିଆଁ ଲାଗି ଯାଇଥିଲା । ଯାହାଫଳରେ ମଧ୍ୟ ରାତ୍ରିରେ ଗଛଟି ଭାଙ୍ଗି ସୁରେଖା ଙ୍କର ଘର ଉପରେ ପଡିଥିଲା । ସକାଳୁ ପୁନର୍ବାର ଦମକଳ ବାହିନୀର ଯବାନ ମାନେ ପହଂଚି ନିଆଁ ଲିଭାଇବା ସହିତ ଗଛ କାଟି ସଫା କରିଛନ୍ତି । ଏହି ଘଟଣା ବାବଦରେ ପଦ୍ମପୁର ଉପଜିଲ୍ଲାପାଳ ଶ୍ରୀ ତନ୍ମୟ କୁମାର ଦରୱାନଙ୍କୁ ଆମେ ସୂଚନା ପ୍ରଦାନ କରିଥିଲୁ । ଉପଜିଲ୍ଲାପାଳ କହିଛନ୍ତି ଜୋର ଘଟଣା ସ୍ଥଳକୁ ସ୍ଥାନୀୟ ରାଜସ୍ୱ ନିରୀକ୍ଷକ ଯାଇ ବିସ୍ତୃତ ତଦନ୍ତ କଲାପରେ ସରକାର ଙ୍କର ନିୟମ ମୁତାବକ ପଦକ୍ଷେପ ନିଆଯିବ ।
