ଭଞ୍ଜନଗର ( ନୀଲୁ ବିଷୋୟୀ ) - ଭଞ୍ଜନଗର ଥାନା ଅନ୍ତର୍ଗତ ଅଗଝୋଳ  ଗ୍ରାମ ମୁଖ୍ୟ ସଡକ ଭଞ୍ଜନଗର - ବ୍ରହ୍ମପୁର ରାସ୍ତାରେ ରେ ବସ ଓ ବାଇକ ମୁହାଁମୁହିଁ ଧକ୍କା ହୋଇ ପ୍ରବୀଣ ବିଷୋୟୀ (୩୧) ନାମକ ଜଣେ ଯୁବକ ଗୁରୁତର ଆହତ ହୋଇଛନ୍ତି । ମିଳିଥିବା ସୂଚନା ଅନୁଯାୟୀ ଗୁରାବାଡ଼ି ଗ୍ରାମର ପ୍ରବୀଣ ବିଷୋୟୀ କୌଣସି କାମରେ ଭଞ୍ଜନଗର ଯାଇ ଅଗଝୋଳ ପେଟ୍ରୋଲ ପମ୍ପ ରୁ ତେଲ ପକାଇ ଫେରୁଥିବା ବେଳେ ଭଞ୍ଜନଗର ପଟୁ ଆସୁଥିବା ଗଣେଶ ନାମକ ବସ ସହ ଧକ୍କା ହୋଇଥିଲା । ଫଳରେ ସେ ଚକାତଳେ ବାଇକ ସହ ଚାପି ହୋଇଯାଇ ଗୁରୁତର ଆହତ ହୋଇଥିଲେ। ସଙ୍ଗେ ସଙ୍ଗେ ତାଙ୍କୁ ଉଦ୍ଧାର କରାଯାଇ ଭଞ୍ଜନଗର ଉପଖଣ୍ଡ ମେଡ଼ିକାଲରେ ଭର୍ତ୍ତି କରାଯାଇଥିଲା। ପ୍ରବୀଣର ମୁଣ୍ଡ ଓ ଗୋଡ଼ରେ ଗଭୀର ଆଘାତ ଲାଗିଥିବା ବେଳେ ଡାକ୍ତର ତାକୁ ବ୍ରହ୍ମପୁର ବଡ଼ ମେଡ଼ିକାଲକୁ ସ୍ଥାନାନ୍ତର କରିଛନ୍ତି। ଅପରପକ୍ଷରେ ଭଞ୍ଜନଗର ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି