ବାରିପଦା (ଦିଲ୍ଲୀପ ମହାନ୍ତି )--ମୟୂରଭଞ୍ଜ ଜିଲ୍ଲା ରାଇରଙ୍ଗପୁର  ଗ୍ରାମାଞ୍ଚଳ ଥାନା ଅଧିନସ୍ଥ ହାଟବାଦଡା ଫାଣ୍ଡି ଅନ୍ତର୍ଗତ କାର୍ଗିଲ ଛକରେ ଆଜି ସନ୍ଧ୍ୟା ସମୟରେ ଏକ  ସ୍କୁଟି  ସହ ପିକ୍ଅପ ଭେନର ଧକ୍କା ହୋଇଥିଲା । ଫଳରେ ସ୍କୁଟି ଚାଳକ  ରାସ୍ତାରେ ଛିଟିକି ପଡି ଗୁରୁତ୍ତର ଭାବେ ଆହତ ହୋଇଥିଲେ । ଚିକିତ୍ସା ନିମନ୍ତେ ତାଙ୍କୁ ରାଇରଙ୍ଗପୁର ଡାକ୍ତରଖାନାକୁ ଅଣାଯାଇଥିଲା । ମାତ୍ର ଡାକ୍ତର ମୃତ ଘୋଷଣା କରିଥିଲେ । ଖବର ପାଇ ପୋଲିସ ଘଟଣା ସ୍ଥଳରେ ପହଞ୍ଚି ଗାଡି ଦୁଇଟିକୁ ଜବତ କରିଛି । ମୃତକର ପରିଚୟ ଚିଙ୍ଗୁଡ଼ିପୋଖରୀ ଗ୍ରାମର ଗୋପୀନାଥ ମହାନ୍ତ (୭୦) ଓ ଜଣେ ଅବସରପ୍ରାପ୍ତ ଗ୍ରାମସେବକ ବୋଲି ଜଣାପଡିଛି ।