ଝାରସୁଗୁଡ଼ା :(ସୁଭାଷ ସହାରେ) -ଗତ ରାତି ପାଟ୍ରୋଲିଂ କରୁଥିବା ବେଳେ ବଡ଼ମାଲ ପୋଲିସ ଦୁଇ ଜଣଙ୍କୁ ଦେଶୀ ଆଗ୍ନେୟାସ୍ତ୍ର ଓ ଅନ୍ୟାନ୍ୟ ଆପତ୍ତିଜନକ ସାମଗ୍ରୀ ସହ ଗିରଫ କରିଛି। ଗିରଫ ହୋଇଥିବା ଦୁଇ ଅଭିଯୁକ୍ତ ହେଲେ ଝାରସୁଗୁଡ଼ା ବୃନ୍ଦାମାଲସ୍ଥିତ ଆର ଆର କଲୋନୀର ଗଣେଶ ଓରାମ ଓ ରଞ୍ଜନ ଓରାମ। ଉଭୟଙ୍କ ପାଖରୁ ଦେଶୀ ଆଗ୍ନେୟାସ୍ତ୍ର ବ୍ୟତୀତ ଲୁହା ଛର୍ରା, ବାରୁଦ, ଗୋଟିଏ ଲୁହାଛଡ଼ ସହିତ ଗୋଟିଏ ବୋଲେରୋ ଗାଡ଼ି ମଧ୍ୟ ଜବତ କରାଯାଇଛି ଉଭୟଙ୍କ ନାମରେ ବଡ଼ମାଲ ପୋଲିସ କେସ ନମ୍ବର ୨୧୬/୧୨/୧୨/୨୦ ୟୁ/ଏସ ୨୫(୧) ଆର୍ମସ୍ ଏକ୍ଟ ଭିତ୍ତିରେ ଏକ କେସ ପଞ୍ଜିକୃତ କରିଛନ୍ତି। ଉଭୟଙ୍କୁ ଆଜି କୋର୍ଟ ଚାଲାଣ କରାଯିବ ବୋଲି ପୋଲିସ ସୂତ୍ରରୁ ପ୍ରକାଶ।
