ବାରିପଦା(ଦିଲ୍ଲୀପ ମହାନ୍ତି )--ମୟୂରଭଂଜ ଜିଲ୍ଲାର ରାଇରଙ୍ଗପୁର ଗ୍ରାମାଞ୍ଚଳ ଥାନା ଅନ୍ତର୍ଗତରାଇରଙ୍ଗପୁର- ବିଶୋଇ ରାସ୍ତା ବଡ଼ଝରଣ ହାତୀବାରୀ ଜଙ୍ଗଲ ସନ୍ନିକଟ ରେ ଭାରସାମ୍ୟ ହରାଇ ରାଇରଙ୍ଗପୁର-ଉଦଳା ଯାଉଥିବା ଓଡି୧୧ଏ୦୦୭୮ ନମ୍ବର ବିଶିଷ୍ଟ ଆପ୍ପୁ ଯାତ୍ରୀବାହୀ ବାସ ରାସ୍ତାକଡକୁ ଓଲଟି ପଡିଥିଲା । ବସରେ ପ୍ରାୟ ୪୦ରୁ ଉର୍ଦ୍ଧ୍ବ ଯାତ୍ରୀ ଥିଲେ ।ଘଟଣାସ୍ଥଳରେ ପୋଲିସ, ଅଗ୍ନିଶମ ବିଭାଗ ସହ ସ୍ଥାନୀୟ ଲୋକେ ଆହତଙ୍କୁ ଉଦ୍ଧାର କରି ରାଇରଙ୍ଗପୁର ଉପଖଣ୍ଡ ଡାକ୍ତରଖାନାରେ ଭର୍ତ୍ତି କରିଥିଲେ । ଆହତମାନଙ୍କୁ ମଧ୍ୟରୁ ୩ ଜଣ ଗୁରୁତରଙ୍କୁ ବାରିପଦା ପଣ୍ଡିତ ରଘୁନାଥ ମୁର୍ମୁ ସରକାରୀ ମେଡିକାଲ କଲେଜକୁ ପଠାଯାଇଛି ଏବଂ ୩୦ରୁ ଉର୍ଦ୍ଧ୍ଵ ଆହତଙ୍କୁ ରାଇରଙ୍ଗପୁର ଉପଖଣ୍ଡ ଚିକିତ୍ସାଳୟରେ ଚିକିତ୍ସା କରାଯାଉଛି ।ପୋଲିସ ଓ ସ୍ଥାନୀୟ ପ୍ରଶାସନ ହସ୍ପିଟାଲରେ ପହଞ୍ଚିଛି ଏବଂ ପୋଲିସ ଦୁର୍ଘଟଣାର ତଦନ୍ତ କରୁଛି । ତେବେ ବସରେ ଯାନ୍ତ୍ରିକ ତୃଟି ସାଙ୍ଗକୁ କ୍ଷମତାଠାରୁ ଅଧିକ ଯାତ୍ରୀ ପରିବହନ କାରଣରୁ ଦୁର୍ଘଟଣା ଘଟିଥିବାର ସନ୍ଦେହ କରାଯାଇଛି ।
-
