ବ୍ରହ୍ମପୁର: ମୁଣ୍ଡ ଗଡ଼ିଲା, ଘରେ କଳାକନା ବୁଲିଲା । ଗଞ୍ଜାମ ଜିଲ୍ଲା ଚମାଖଣ୍ଡି ଥାନା ଅଞ୍ଚଳରେ ଘଟିଛି ବୀଭତ୍ସ ହତ୍ୟାକାଣ୍ଡ । ସନ୍ଧ୍ୟାରେ ଘରେ ପଶି ଦୁର୍ବୃତ୍ତ ଜଣକୁ ହତ୍ୟା କରି ଚମ୍ପଟ ମାରିଛନ୍ତି । ଚମାଖଣ୍ଡି ଥାନା ରଘୁନାଥପୁର ଗାଁରେ ଭୟଙ୍କର ହତ୍ୟାକାଣ୍ଡ ଘଟିଛି । ଗାଁର ବି. ଲିଙ୍ଗରାଜ ରେଡ୍ଡୀଙ୍କ ଘରେ ଦୁର୍ବୃତ୍ତ ପଶି ତାଙ୍କୁ ହତ୍ୟା କରିବା ସହ ଲୁଟ୍ କରିଥିବା ନେଇ ସୂଚନା ମିଳିଛି ।
ଗ୍ରାମବାସୀଙ୍କ ପାଖରୁ ହତ୍ୟାକାଣ୍ଡ ଖବର ପାଇ ଘଟଣାସ୍ଥଳରେ ଅତିରିକ୍ତ ଏସପି ଠାକୁର ପ୍ରସାଦ ପାତ୍ର, ଛତ୍ରପୁର ଏସଡିପିଓ ଗୌତମ କିଷାନ, ଛତ୍ରପୁର ଥାନା ଅଧିକାରୀ ପ୍ରିୟସ ରଞ୍ଜନ ଛୋଟରାୟ, ଚମାଖଣ୍ଡି ଥାନା ଅଧିକାରୀ ସୀତାଂଶୁ ଶେଖର ମାନ୍ଧାତା ପହଞ୍ଚିଛନ୍ତି । ଘରର ଆସବାବପତ୍ର ଏଣେତେଣେ ପଡ଼ିଛି ।
ଦୁର୍ବୃତ୍ତ ଲୁଟ୍ ପାଇଁ ଆସି ବି. ଲିଙ୍ଗରାଜଙ୍କ ମୁଣ୍ଡକୁ ଆକ୍ରମଣ କରି ହତ୍ୟା କରିଥିଲେ । ପରେ ଘରର ଜିନିଷପତ୍ର ଲୁଟ୍ କରି ଖସି ପଳାଇଛନ୍ତି । ଆସନ୍ତାକାଲି ସନ୍ଧାନୀ କୁକୁର ଏବଂ ଫରେନସିକ୍ ଟିମ୍ ଆସି ରକ୍ତ ନମୁନା ସଂଗ୍ରହ କରିବେ । ପରେ ମୃତଦେହ ବ୍ୟବଚ୍ଛେଦ ଲାଗି ପଠାଯିବ ବୋଲି ପୋଲିସ କହିଛି ।
