ସମ୍ବଲପୁର (ରମାକାନ୍ତ ବିଶ୍ବାଳ): ସାରସ୍ୱତ ସାଧକ, କବି ତଥା ସାମ୍ବାଦିକ ଦାମୋଦର ପଣ୍ଡା (୬୮)ଙ୍କ ଆଜି ଅପରାହ୍ନ ୫ଟାରେ ହୃଦ୍ଘାତରେ ଦେହାନ୍ତ ହୋଇଛି l ଗତ ୨୩ ତାରିଖ ତାଙ୍କ ଶତାୟୁ ମାଆଙ୍କ ବିୟୋଗ ଘଟିଥିଲା । ଆଜି ତାଙ୍କ ଆକସ୍ମିକ ମୃତ୍ୟୁ ସାରା ସମ୍ବଲପୁର ସହରକୁ ସ୍ତବ୍ଧ କରିଦେଇଛି । ଯୁଯୋମୁରା ବ୍ଲକ ଡଙ୍ଗରପଡ଼ା ନିବାସୀ ବିଶିଷ୍ଟ କବି ଦାମୋଦର ପଣ୍ଡା ଚାକିରୀରୁ ଅବସର ଗ୍ରହଣ କରିବା ପରେ ସାମ୍ବାଦିକତା କରୁଥିଲେ । ତାଙ୍କ ବିୟୋଗରେ ସାହିତ୍ୟ ଜଗତର ଅପୂରଣୀୟ କ୍ଷତି ହୋଇଥିବା ବିଶିଷ୍ଟ କବି, ଲେଖକ ତଥା ସାହିତ୍ୟିକମାନେ ମତବ୍ୟକ୍ତ କରିଛନ୍ତି । କବି ଦାମୋଦର ପଣ୍ଡା ଚାଲିଯିବା ସାରା ସାହିତ୍ୟ ଜଗତକୁ ସ୍ତବ୍ଧ କରି ଦେଇଛି । ତାଙ୍କ ବିୟୋଗରେ ସମ୍ବଲପୁରରେ ଶୋକର ଛାୟା ଖେଳିଯାଇଛି ।
