ବରଗଡ:- ବରଗଡ଼ ଜିଲ୍ଲା ପାଇକମାଲ ବ୍ଲକର ରସମୁଣ୍ଡା ଗ୍ରାମ ନିକଟରେ ଗତ ରାତିରେ କୋଣସି ଏକ ଅଜଣା ବଡ଼ଗାଡି ଧକ୍କାରେ ତିନି ଗୋଟି ବରାହ ମୃତ୍ୟୁବରଣ କରିଥିବା ବର୍ତ୍ତମାନ ସୁଦ୍ଧା ଜଣା ପଡ଼ିଛି । ନୃସିଂହନାଥ ଫରେଷ୍ଟ ରେଞ୍ଜର ଶ୍ରୀ ଗିରିଧାରୀ ପ୍ରଧାନ ଙ୍କର କହିବା ମୁତାବକ ବିଳମ୍ବିତ ରାତିରେ ବରାହ ମାନେ ରାସ୍ତା ଅତିକ୍ରମ କରିଥିବା ସମୟରେ ଏହି ଦୁର୍ଘଟଣା ଘଟିଥାଇପରେ । ଦୁଇଟି ବରାହ ଗାଡି ଧକ୍କାରେ ସମ୍ପୂର୍ଣ୍ଣ ଭାବରେ ରାସ୍ତାରେ ପେଷି ହୋଇଯାଇଥିବା ବେଳେ ବହୁ ଖଜାଖୋଜି କରିବା ପରେ ଅନ୍ୟ ଗୋଟିଏ ବରାହର ଖଣ୍ଡିତ ମୃତଦେହ ଫରେଷ୍ଟ ବିଭାଗ ତରଫରୁ ଉଦ୍ଧାର କରାଯାଇଛି । ମୃତଦେହ ଗିଡିକୁ ବ୍ୟବଚ୍ଛେଦ ପାଇଁ ପଠେଇ ଦିଆଯାଇଥିବା ରେଞ୍ଜର ସୂଚନା ଦେଇଛନ୍ତି । ବର୍ତ୍ତମାନ ସୁଦ୍ଧା ଘଟଣା ସ୍ଥଳରେ ନୃସିଂହନାଥ ରେଞ୍ଜ ଓ ପାଇକମାଲ ରେଞ୍ଜର ର କର୍ମଚାରୀ ମାନେ ଖୋଜାଖୋଜି ଜାରି ରଖିଥିବା ରେଞ୍ଜର ଶ୍ରୀ ପ୍ରଧାନ ସୂଚନା ଦେଇଛନ୍ତି ।