ସମ୍ବଲପୁରରୁ ରମାକାନ୍ତ ବିଶ୍ୱାଳ ଓ ରେଢ଼ାଖୋଲ୍ ଉପଖଣ୍ଡ ପ୍ରତିନିଧି ଶ୍ରୀୟାସ୍ମିତା ସାମଲ : କୁହାଯାଏ ମମତା ଆଉ ମାତୃତ୍ୱର ଅନୁଭବ ଅମୂଲ ମୂଲ | ହେଲେ ଆଜି ମମତା ଆଉ ମାତୃତ୍ଵ କାହିଁକି କେଜାଣି ନିଲାମ ହୋଇଯାଉଛି | ମା ତାର ଛୁଆକୁ ଆଉ କାହା ହାତରେ ଟେକିଦେଉଛି | କାରଣ ଯାହା ବି ହେଉ, ଏଭଳି ଘଟଣା ନଜରକୁ ଆସୁଛି | ଆଜି ସେଭଳି ଏକ ଅଘଟଣର ଖବର ଆସିଛି ସମ୍ବଲପୁର ଜିଲ୍ଲା ରେଢ଼ାଖୋଲ୍ ଉପଖଣ୍ଡ | ୧୫ ହଜାର ଟଙ୍କାରେ ମାସେ ୭ଦିନର ଶିଶୁକନ୍ୟାକୁ ବିକ୍ରି କରାଯାଇଥିବା ଅଭିଯୋଗ ହୋଇଛି। ଏପରି ଅଭିଯୋଗ ସମ୍ୱଲପୁର ଜିଲ୍ଲା ଚାରମାଲ ଥାନା କେଉଟିବାହଳି ଗାଁରୁ ଆସିଛି। ଏନେଇ ଅଭିଯୋଗ ହେବା ପରେ ଚାଇଲଡ୍ ଲାଇନ୍ ଓ ପୁଲିସ ମିଳିତ ଭାବେ ଚଢ଼ଉ କରି ଶିଶୁକନ୍ୟାକୁ ଉଦ୍ଧାର କରିଛନ୍ତି।
ଏକମାସ ୭ଦିନର ଶିଶୁ କନ୍ୟାକୁ ଆର୍ଥିକ ଅନାଟନ ଯୋଗୁ ମା ବାପା ବିକ୍ରୀ କରିଥିବା ସ୍ଥାନୀୟ ଅଞ୍ଚଳରେ ଚର୍ଚ୍ଚା ହେଉଛି । ଚାରମାଳ ଥାନା କେଉଁଟି ବହାଲୀ ଗାଁ ର ଦମ୍ପତି ଶିଶୁକନ୍ୟାକୁ ୧୫ ହଜାର ଟଙ୍କାରେ ରେଢ଼ାଖୋଲର କୁଶାବହାଲୀ ଗାଁରେ ବିକ୍ରି କରିଛନ୍ତି । ଚାରମାଳ ଶିଶୁ ବିକ୍ରି ର ଖବର ପାଇଁ child line ଥାନାରେ ଅଭିଯୋଗ କରିବା ପରେ ଶିଶୁକନ୍ୟାକୁ ଉଦ୍ଧାର କରିଛି ପୋଲିସ ।
ଗତକାଲି ବିଳମ୍ୱିତ ରାତିରେ ପୁଲିସ ଓ ଚାଇଲଡ୍ଲାଇନ୍ କର୍ମକର୍ତ୍ତାମାନେ କୁଷାପାଲି ଗାଁକୁ ଯାଇଥିଲେ। ଆଜି ସକାଳେ ଶିଶୁକନ୍ୟାକୁ ଉଦ୍ଧାର କରି ରେଢାଖୋଲ ମେଡିକାଲରେ ତାର ପ୍ରାଥମିକ ଚିକିତ୍ସା କରାଯିବା ପରେ ଶିଶୁକନ୍ୟାକୁ ଜିଲ୍ଲା ଶିଶୁ କଲ୍ୟାଣ ସମିତିରେ ରଖାଯାଇଛି । ଅନ୍ୟ ପଟେ କନ୍ୟାଶିଶୁ ନେଇଥିବା ଦମ୍ପତି ତାଙ୍କର କୌଣସି ସନ୍ତାନ ନଥିବାରୁ ଶିଶୁକୁ ପୋଷ୍ୟ ନେଇଛନ୍ତି । ସେଥିପାଇଁ ରେଢାଖୋଲ ଆବଶ୍ୟକୀୟ ଆପିଡେବିଟ ମଧ୍ୟ କରାଯାଇଥିବା କହିଛନ୍ତି ଦମ୍ପତି। ତେବେ ଶିଶୁ ବିକ୍ରି ଘଟଣାର ସମଗ୍ର ଦିଗ ନେଇ ଉଭୟ ରେଢ଼ାଖୋଲ ଓ ଚାରମାଳ ପୋଲିସ ଅଧିକ ତଦନ୍ତ ଚଲାଈଥିବା ଜଣାପଡିଛି ।
