କାର, ପିକ୍ଅପ୍, ଟ୍ରାକ୍ଟର ଜବତ
ଓଡ଼ଗାଁ(ଶ୍ରୀକାନ୍ତ ମିଶ୍ର) : ନୟାଗଡ଼ ଜିଲ୍ଲା ଓଡ଼ଗାଁ ଥାନା ପୁଲିସକୁ ଆଜି ମିଳିଛି ବଡ ସଫଳତା | ୩ ଜଣ ଆନ୍ତଃଜିଲ୍ଲା ଡକାୟତକୁ ଗିରଫ କରିବା ସହ ୩ଟି ଗାଡ଼ି ଜବତ କରିଛି ଓଡଗାଁ ପୋଲିସ । ଗିରଫ ଅଭିଯୁକ୍ତଙ୍କହେଲେ ନନ୍ଦିଘୋର ତୁଳସୀସାହିର ଟୁଲୁ ଓରଫ୍ କାର୍ତ୍ତୀକ ନାୟକ, ଓସ୍ତିଆର ନକୁଳ ଓରଫ ସନ୍ତୋଷ ବେହେରା, ଓଡ଼ଗାଁ ଖେଳପଡ଼ିଆ ସାହିର ଟୁନା ଓରଫ କୈଳାସ ସାହୁ । ଆଜି ସେମାନଙ୍କୁ ଗିରଫ କରାଯାଇ କୋର୍ଟ ଚାଲାଣ କରାଯାଇଛି ।
ପୋଲିସର କହିବା ଅନୁଯାୟୀ ବାହାଡ଼ଝୋଲା ମୋବାଇଲ୍ ଦୋକାନ ଚୋରୀ ଘଟଣା ଲିଙ୍କରେ ପୂର୍ବରୁ ଧରା ପଡ଼ିଥିବା ଡକାୟତ ଗ୍ୟାଙ୍ଗ ସୂଚନା ଆଧାରରେ ପୁଲିସ ଏମାନଙ୍କୁ ଧରିବା ପାଇଁ କିଛି ଦିନ ଧରି ଜାଲ ବିଛାଇଥିଲା | କାର୍ତ୍ତିକ ଏବଂ ସନ୍ତୋଷ ଫେରାର ହୋଇ ନୂଆଗାଁ ବ୍ଲକ ଅନ୍ତର୍ଗତ ଡିମିରିପଲ୍ଲୀ ନିକଟସ୍ଥ ଦୁରୁଙ୍ଗି ଜଙ୍ଗଲରେ ଲୁଚି ରହିଥିବା ପୋଲିସ ସୂଚନା ପାଇଥିଲା । ଦୀର୍ଘ ସପ୍ତାହେ ହେବ ଏମାନେ ଜଙ୍ଗଲରେ ଲୁଚି ରହିଥିବା ବେଳେ ଓଡଗାଁର କୈଳାସ ସେମାନଙ୍କ ନିକଟକୁ ଖାଦ୍ୟ ଓ ପାନୀୟ ଯୋଗାଣ କରୁଥିଲା । ଖବରପାଇ ପୁଲିସ ଜଙ୍ଗଲରେ ଚଢ଼ାଉ କରିଥିବା ବେଳେ ପଥମେ ସେମାନେ ଖସି ପଳାଇବାରେ ସମର୍ଥ ହୋଇଥିଲେ | କିଛି ସମୟର କସରତ ପରେ ପୁଲିସ ସେମାନଙ୍କ ଧରିବାକୁ ସଫଳ ହୋଇଥିଲା । ସେମାନଙ୍କ ପାଖରୁ ଗୋଟିଏ ମହିନ୍ଦ୍ରା ପିକ୍ଅପ୍, ଗୋଟିଏ ଟ୍ରାକ୍ଟର ଏବଂ ଗୋଟିଏ କାର ଜବତ କରାଯାଇଥିବା ଥାନା ଏସ୍ଆଇ ସଂଜୟ କୁମାର ପରିଡ଼ା ସୂଚନା ଦେଇଛନ୍ତି ।
