ବରଗଡ :- ପାଇକମାଲ ଥାନା ଅନ୍ତର୍ଗତ କୋକନରା ଗ୍ରାମର ଶୁଭେନ୍ଦୁ ସିନ୍ଧୁର (25) ନାମକ ଜଣେ ଯୁବକକୁ ଆଜି ସକାଳୁ ନିଜ ଘରେ ବେକରେ ଦଉଡି ଦେଇ ଝୁଲୁଥିବା ଅବସ୍ଥାରେ ତାଙ୍କର ଘର ଲୋକେ ଦେଖିଥିଲେ । ଏହାପରେ ଘରଲୋକେ ପାଇକମାଲ ଥାନାକୁ ଯାଇ ଥାନା ଅଧିକାରୀ ଶ୍ରୀ ବିଶ୍ୱଜିତ ମନବୋଧ ଙ୍କୁ ଘଟଣା ବାବଦରେ କହିଥିଲେ । ଘଟଣାର ଖବର ପାଇବା ପରେ ପାଇକମାଲ ପୋଲିସ ଘଟଣା ସ୍ଥଳକୁ ପହଂଛି ତଦନ୍ତ ଆରମ୍ଭ କରିବା ସହିତ ଶବ ଜବତ କରି ବ୍ୟବଚ୍ଛେଦ ନିମନ୍ତେ ପଦ୍ମପୁର ଉପଖଣ୍ଡ ଡାକ୍ତରଖାନାକୁ ପଠେଇ ଦିଆ ଯାଇଥିଲା । ସେଠାରେ ବ୍ୟବଚ୍ଛେଦ ସରିବା ପରେ ପୋଲିସ ମୃତଦେହ କୁ ପରିବାର ଲୋକଙ୍କୁ ହସ୍ତାନ୍ତର କରିଥିଲେ। ଯୁବକ ଜଣକ କାହିଁକି ଆତ୍ମହତ୍ୟା କରିଥିଲେ ସେ ବାବଦରେ ପୋଲିସ ର ଅନୁସନ୍ଧାନ ଜାରି ରହିଛି ।  ପାଇକମାଲ ଥାନାରେ କେଶ ନମ୍ବର ୨୫/୨୦୨୦ ରୁଜୁ କରି ASI ଗଙ୍ଗାରାମ ନାୟକ ଘଟଣାର ତଦନ୍ତ ଜାରି ରଖିଥିବା ଥାନା ଅଧିକାରୀ ଶ୍ରୀ ମନବୋଧ କହିଛନ୍ତି।